অসম আৰু মেঘালয়ৰ দুই মুখ্যমন্ত্ৰী দ্বয় ক্ৰম, ডাঃ হিমন্ত বিশ্ব শৰ্মা আৰু কনৰেড চাংমাৰ মাজত কেন্দ্ৰীয় গৃহমন্ত্ৰীৰ উপস্থিতিত নতুন দিল্লীত অসম-মেঘালয়ৰ বিবাদমান ভূমিকলৈ চুক্তি স্বাক্ষৰিত হোৱা চুক্তিকলৈ তীব্ৰ প্ৰতিক্ৰিয়া প্ৰকাশ কৰিছে কাৰবি আংলঙৰ আঞ্চলিক ৰাজনৈতিক দল এএছডিচিয়ে ৷
উল্লেখযোগ্য কালি সম্পাদিত হোৱা চুক্তিৰ জৰিয়তে দুয়োখন ৰাজ্যৰ মাজত থকা ছটাকৈ বিবাদমান এলেকাৰ সীমা বিবাদৰ স্থায়ী সমাধানৰ লগতে বাকী স্থান সমূহৰো সীমা সমস্যাৰ সৃষ্টি সমাধানৰ পথ প্ৰশস্ত হোৱা বুলি আশা কৰাৰ সময়তে আজি বিয়লি ডিফু এছডিচিৰ কাৰ্যালয়ত এক সংবাদমেলৰ আয়োজন কৰি চৰকাৰৰ সীমা সমস্যা সমাধানৰ বিৰুদ্ধে সৰৱ হৈ পৰে এএছডিচি ৷
এএছডিচি দলৰ সভাপতি চন্দ্ৰকান্ত তেৰাঙে আজি বিয়লি সংবাদ মাধ্যমক উদ্দেশ্যি ব্যক্ত কৰা অনুসৰি ‘দিয়া-লোৱা’ নীতিৰ মাজেৰে দুয়োখন ৰাজ্যৰ মাজত যি সীমা সমস্যা সমাধানৰ চূড়ান্ত সিদ্ধান্ত গ্ৰহণ কৰা হৈছে এএছডিচি দলে এনে সিদ্ধান্তৰ তীব্ৰ বিৰোধিতা কৰে ৷
ইতিমধ্যে সমাধান হোৱা বিবাদমান এলেকাৰ সীমা সমস্যাৰ সমাধানৰ ক্ষেত্ৰত দুয়োখন ৰাজ্য চৰকাৰে ‘দিয়া-লোৱা’ নীতি গ্ৰহণ কৰাৰ লগতে বাকী ছটা স্থানৰ সমস্যা সমাধানৰ ক্ষেত্ৰতো দুয়োখন চৰকাৰে অনুৰুপ পদ্ধতি গ্ৰহণ কৰিব বুলি আশংকা প্ৰকাশ কৰি কাৰবি আংলঙৰ সীমাৰে সংলগ্ন হৈ থকা সীমান্ত এলেকা সমস্যা সমাধানৰ ক্ষেত্ৰত এনে নীতি কেতিয়াও গ্ৰহণ যোগ্য নহয় বুলি দলটোৱে দাবী জনায় ৷
সীমা সমসা সমাধানৰ নামত কাৰবি আংলঙৰ এক ইঞ্চি মাটিও আন ৰাজ্যক এৰি নিদিয়াৰ লগতে আন ৰাজ্যৰ মাটিও কাৰবি আংলঙক নালাগে বুলি সংবাদমেলত দলটোৰ শীৰ্ষ নেতাসকলে স্পষ্ট কৰি দিয়ে ৷
