আজি পুৱা ডিফু ৰাংছিনা ভৱনত এক সংবাদমেলৰ আয়োজন কৰি সমাৰোহটিৰ আদৰণি সমিতিৰ সভাপতি তথা ডিফুৰ বিধায়ক বিদ্যাছিং ইংলেঙে কয়যে, অহা ৯ আৰু ১০ এপ্ৰিলত অনুষ্ঠিত হবলগীয়া সাহিত্য-সংস্কৃতি আৰু সম্প্ৰিতীৰ বৰ্ণাঢ্য সমাৰোহত অসমৰ বিভিন্ন জনগোষ্ঠীৰ প্ৰায় ২০ দলে অংশ গ্ৰহণ কৰিব ৷
উক্ত অনুষ্ঠানৰ লগত সংগতি ৰাখি বহুভাষী কবি সন্মিলনৰ আয়োজন কৰাৰ লগতে কাৰবি আংলং জিলাৰ চিত্ৰ আৰু ভাষ্কৰ্য শিল্ত চহকী বহু কেইগৰাকী শিল্পীৰ চিত্ৰ, ভাষ্কৰ্য প্ৰদৰ্শনৰ আয়োজন কৰা গৈছে বুলি জানিবলৈ দিছে ৷ সমাৰোহটিত অযম সাহিত্য সভাৰ সভাপতি উপসভাপতি দ্বয় ক্ৰমে, কুলধৰ শইকীয়া আৰু মৃণালিনী দেৱীৰ লগতে অসম সাহিত্য সভাৰ বিষয়ববীয়া সকলো উপস্থিত থাকিব বুলি মন্তব্য কৰে বিধায়ক গৰাকীয়ে ৷
ইয়াৰোপৰি ৯ এপ্ৰিলৰ সমাৰোহৰ উদ্ধোধনি অনুষ্ঠানতে অসম সাহিত্য সভাই জয়ছিং হাঞ্চে সোঁৱৰণি বঁটা আৰু ধৰ্মেশ্বৰ কটকী শিশু সাহিত্য বঁটা প্ৰদান কৰা হব বুলি জানিবলৈ দিছে সমাৰোহৰ আদৰণি সমিতিৰ সভাপতি বিদ্যাছিং ইংলেঙে ৷
