১৯ অক্টোবৰত লংকাত মহামিলন ঘটিব পাহাৰীয়া-মধ্য অসমৰ ৬ জিলাৰ শিক্ষাৰ্থীৰ

গুৱাহাটীঃ অসম সাহিত্য সভাই অহা ১৯ অক্টোবৰত লংকা মহাবিদ্যালয়ত আয়োজন কৰিছে কেন্দ্ৰীয় ৰামধেনু অনুষ্ঠান। ইয়াত পাহাৰীয়া তিনি জিলা ক্ৰমে কাৰ্বি আংলং, পশ্চিম কাৰ্বি আংলং আৰু ডিমা হাচাওৰ মহাবিদ্যালয়সমূহত অধ্যয়নৰত ছাত্ৰ-ছাত্ৰীসকলৰ সৈতে মহামিলন ঘটিব হোজাই, নগাঁও আৰু মৰিগাঁৱৰ মহাবিদ্যালয়সমূহত অধ্যয়নৰত ছাত্ৰ-ছাত্ৰীসকলৰ। এই অনুষ্ঠানত উক্ত জিলাকেইখনৰ ভিন্ন মহাবিদ্যালয়সমূহৰ শ্ৰেষ্ঠ গায়ক-গায়িকা, শ্ৰেষ্ঠ সাহিত্য প্ৰতিযোগীসকলৰ ওপৰিও প্ৰতিভাৱান ছাত্ৰ-ছাত্ৰীসকলে অংশগ্ৰহণ কৰিব পাৰিব বুলি সভাৰ এটা সূত্ৰই জানিবলৈ দিছে।