কাৰবি আংলং জিলাৰ সদৰ চহৰ ডিফুত বৃদ্ধি পাইছে দুচকীয়া চালকৰ দৌৰাত্ম্য৷ শুকুৰবাৰে দুপৰীয়া ডিফু -মাঞ্জা পথৰ পাঁছ মাইলত মটৰ চাইকেলৰ খুন্দাত এটি স্কুলীয়া ছাত্ৰী নিহত হোৱাৰ ঘটনাই অঞ্চলটোত শোকৰ ছাঁ পেলাইছে ৷
আৰক্ষীৰ সূত্ৰে প্ৰাপ্ত তথ্য অনুসৰি আজি দুপৰীয়া ডিফু থানা এলেকাৰ পাঁছ মাইলস্থিত না -ই-মু ইংলিছ হাইস্কুলৰ নৱম শ্ৰেণীৰ ছাত্ৰী এগৰাকী স্কুলৰ পৰা পাঁছ মাইলৰ িজা ঘৰলৈ গৈ থকা সময়ত পিছফালে বিৰলা দিশৰ পৰা আহি থকা এএছ ০৯ বি ৮৪৮৫ আপাচী মটৰ চাইকেলৰ চালকে তীব্ৰ বেগে আৰু অসাৱধান বশতঃ ছাত্ৰী গৰাকীক খুন্দিয়াই গুৰুতৰ ভাবে জখম কৰে ৷
পিছত দুৰ্ঘটনা সংঘটিত কৰা মটৰ চাইকেল চালক আৰু লগত থকা আৰোহীয়ে আহত অৱস্থাত ছাত্ৰী গৰাকীক ডিফু মেডিকেল কলেজত চিকিৎসাৰ বাবে ভৰ্তি কৰায় যদিও মেডিকেল কলেজত ছাত্ৰ গৰাকীৰ মৃত্যু হয় বুলি জানিবলৈ দিছে ৷
এই সন্দৰ্ভত আৰক্ষীয়ে ডিফু তাৰালাংচৰ মচেছ বংৰুং (১৯) আৰু গোবিন টেৰণ (১৯)ক আটক কৰিছে বুলি জানিব পৰা গৈছে ৷ আনহাতে মৃত ছাত্ৰী গৰাকীৰ চুৰৎহাল কৰাৰ লগতে মৰণোত্তৰ পৰীক্ষা সম্পন্ন কৰা হৈছে বুলি জানিব পৰা গৈছে ৷
