নবীন -প্ৰৱীণ অৰ্দ্ধশতাধিক কবিৰ স্বৰচিত কবিতাৰে জীপাল বহুভাষিক কবি সন্মিলন ৷
অসম সাহিত্য সভাৰ উদ্যোগত তথা কাৰবি সাংস্কৃতিক সমাজ আৰু কাৰবি আংলং স্বায়ত্তশাসিত পৰিষদৰ সহযোগত ডিফুৰ জয়ছিং দলৈ প্ৰেক্ষাগৃহত কালিৰে পৰা দুদিনীয়া বিস্তৃত কাৰ্যসূচীৰে চলি থকা সাহিত্য -সংস্কৃতি আৰু সমপ্ৰীতি সমাৰোহ ২০২২ ৰ আজি সফল সামৰণি পৰে ৷
কালি বিয়লি অসমৰ ভালে কেইগৰাকী খ্যাতিমান শিল্পীয়ে সংগীত অনুষ্ঠান পৰিৱেশন কৰি দৰ্শকক আপ্লুত কৰাৰ পিছত আজি পুৱা ১০ বজাৰ পৰা আৰম্ভ কৰা হয় বহুভাষিক কবি সন্মিলন ৷
বালিমাহী কবি খ্যাত পদ্মশ্ৰী ধনেশ্বৰ ইংতিয়ে উদ্বোধন কৰা বহু ভাষিক কবি সন্মলনখনিত মুখ্য অতিথি হিছাপে উপস্থিত থাকি অসম সাহিত্য সভাৰ সভাপতি কুলধৰ শইকীয়াই কবিতা সন্দৰ্ভত গুৰুত্বপূৰ্ণ মন্তব্য প্ৰকাশ কৰে ৷
সন্মিলনখনিত বিশিষ্ট অতিথি হিচাপে উপস্থিত থাকে বিশিষ্ট সামবাদিক প্ৰশান্ত ৰাজগুৰু ৷ কবি ছাৰএৎ হাঞ্চেৰ সঞ্চালনাত আজিৰ এই বহুভাষিক কবি সন্মিলনত অসমৰ বিভিন্ন প্ৰান্তৰ পৰা আহি উপস্থিত হোৱা অৰ্ধ শতাধিক নবীন-প্ৰৱীন কবিয়ে বিভিন্ন ভাষাত স্বৰচিত নিজ নিজ কবিতা সমুহ পাঠ কৰে ৷
অসমীয়া, কাৰবি, বড়ো, ডিমাচা আদি বিভিন্ন ভাষাত পাঠ হোৱা কাব্যৰ পাঠে সন্মিলনখনি জীপাল কৰি তোলে পাহাৰীয়া চহৰ ডিফু ৷ বিয়লি সমপ্ৰিতীৰ সমাৰোহেৰে কাৰ্যসূচীৰ সফল সামৰণি পেলোৱা হয় ৷
