ASSAM TIMES POST
বোকাখাতঃ শ্ৰীমন্ত শঙ্কৰদেৱ সংঘৰ ৮৯ সংখ্যক বাৰ্ষিক অধিৱেশনখনি বোকাখাত মহকুমাৰ ঐতিহ্যমণ্ডিত কমাৰগাঁৱৰ দিহিঙীয়া মহুৰা পথাৰত “বিশ্ব ঐতিহ্য কাজিৰঙা সমন্বয় ক্ষেত্ৰ”ত অহা ৫, ৬, ৭ আৰু ৮ ফেব্ৰুৱাৰী, ২০২০ তাৰিখে অনুষ্ঠিত হ’ব ৷ ইতিমধ্যে আদৰণী সমিতিৰ জৰিয়তে অধিৱেশনৰ প্ৰস্তুতিৰ কাম-কাজ পূৰ্ণগতিত চলি আছে৷ বোকাখাতবাসী ভক্তপ্ৰাণ বাপ-বান্ধৱ, শুভাকাংক্ষী ৰাইজৰ বহু আকাংক্ষিত ৮৯ সংখ্যক বাৰ্ষিক অধিৱেশনলৈ মাজত মাত্ৰ চাৰিটা মাহ বাকী আছে৷ অধিৱেশনখনি সৰ্বাংগ সুন্দৰকৈ বিভিন্ন মণ্ডপসমূহ সজাই পৰাই তুলিবৰ বাবে স্বীকৃতিপ্ৰাপ্ত প্ৰতিষ্ঠানৰ পৰা নিবিদা আহ্বান কৰি আজিৰে পৰা বিতৰণ কৰা হৈছে৷ নিবিদাসমূহৰ বন্দোৱস্তিৰ বাবে ইচ্ছুক স্বীকৃতিপ্ৰাপ্ত প্ৰতিষ্ঠানসমূহে নিবিদাৰ প্ৰ-পত্ৰসমূহ ১০০০ টকাকৈ মাচুল জমা দি আদৰণী সমিতিৰ কাৰ্যালয়ৰ পৰা সংগ্ৰহ কৰিব পাৰিব৷ দিনৰ ১১ বজাৰ পৰা সন্ধিয়া ৮ বজালৈ সঙ্ঘৰ বোকাখাত জিলা শাখাৰ ৮৯ সংখ্যক বাৰ্ষিক অধিৱেশনৰ আদৰণী সমিতিৰ কাৰ্যালয় খোলা থাকিব৷ ইচ্ছুক স্বীকৃতিপ্ৰাপ্ত প্ৰতিষ্ঠানসমূহে তলত উল্লেখ কৰা ফোন নম্বৰ সমূহত যোগাযোগ নিবিদা পত্ৰসমূহ সংগ্ৰহ পাৰিব৷ সবিশেষ তথ্যৰ বাবে আদৰণী সমিতিৰ সাধাৰণ সম্পাদক চন্দ্ৰ কান্ত ভূঞাৰ ভ্ৰাম্যভাষ – ৮৬৩৮৫৪১০৪৩ আৰু হোৱাটচআপ নম্বৰ ৯৪০১৩৬২২৫১ত লগতে কাৰ্যালয় সম্পাদক দিব্যজ্যোতি হাজৰিকাৰ ভাম্যভাষ – ৭০০২৩২৮৫৩৯ আৰু হোৱাটআপ নম্বৰ ৯৯৫৪৪২৪৪৬৭ত যোগাযোগ কৰিব পাৰিব৷ প্ৰ-পত্ৰসমূহ জমা দিয়াৰ শেষ দিন ৩০ অক্টোবৰ ধাৰ্য কৰা হৈছে৷ উক্ত তাৰিখৰ পাছত নিবিদা বিচাৰি অহা সকলক নিবিদা যোগান ধৰিব পৰা নাযাব বুলি আদৰণী সমিতিৰ সাধাৰণ সম্পাদকে জানিবলৈ দিছে৷ নিবিদা প্ৰ-পত্ৰসমূহ পূৰণ কৰি বন্ধ খামৰ ভিতৰত ভৰাই আদৰণী সমিতিৰ কাৰ্যালয়ত থকা নিবিদা বাকচত জমা দিব লাগিব৷
