আজি মিজোৰামত আৰক্ষীৰ এক ভগ্নী সংস্থাৰ সহযোগত পুৱাৰ ভাগতেই চম্ফাই আৰক্ষীৰ বিশেষ অভিযানকাৰী দলটোৱে আন্তঃৰাষ্ট্ৰীয় বজাৰত ৩৪.১৮ কোটি টকা মূল্যৰ ৬.৮৩৬ কিলোগ্ৰাম ওজনৰ ৫০০ পেকেট হেৰ’ইন জব্দ কৰে।
মিজোৰাম আৰক্ষীয়ে এক বিবৃতিযোগে তেওঁলোকৰ ভগ্নী সংস্থাক ধন্যবাদ জ্ঞাপন কৰে।তেওঁলোকৰ সহযোগিতাৰ ফলতেই শেহতীয়াকৈ ৰাজ্যৰ ইতিহাসত এটা ডাঙৰ হে’ৰইন জব্দৰ ঘটনাৰ সফল সমাপন হৈছে।
উল্লেখ্য যে, ভেংছাঙৰ লালামপুইয়া (৪৫) য়ে চলাই অহা বাহনখন চম্ফাই টুইপুৰ নদীৰ সমীপৱৰ্তী নিউ চম্ফাইত আৰক্ষীয়ে জব্দ কৰে আৰু চালক গৰাকীক গ্ৰেপ্তাৰ কৰে। ইতিমধ্যে আৰক্ষীয়ে এই বিষয়ত তদন্ত অব্যাহত ৰাখিছে।
“ড্ৰাগছ বিৰোধী মিজোৰাম” ৰ বাবে আৰক্ষী অভিযানত সকলো সংস্থা অৰ্থাৎ অংশীদাৰ সংস্থা/ বেচৰকাৰী সংস্থা/ ব্যক্তিসকলকো উপযুক্ত চোৰাংচোৱাগিৰি প্ৰদান কৰাৰ বাবে অশেষ ধন্যবাদ আৰু কৃতজ্ঞতা প্ৰকাশ কৰে মিজোৰাম আৰক্ষীয়ে।
