ঠিক ২১ বছৰৰ পাছত দুয়োজনে দুয়োকে পুনৰ মুখামুখীকৈ লগ পালে। গুজৰাটৰ জামনগৰৰ পিছত লাডাখৰ কাৰ্গিললৈ। পুৰণি স্মৃতিৰ সোঁৱৰণী হিচাপে ২০০১ চনত তোলা ফটোখন লৈ সোমবাৰে ভাৰতীয় সেনাৰ মেজৰ অমিত কুমাৰে প্ৰধানমন্ত্ৰী মোদীৰ সন্মুখলৈ আহে।
২০০১ চনত জামনগৰৰ বালাচাৰী সৈনিক স্কুলৰ ছাত্ৰ আছিল অমিত। মোদী তেতিয়া গুজৰাটৰ মুখ্যমন্ত্ৰী আছিল। তেওঁ বিদ্যালয়খন পৰিদৰ্শন কৰি একাংশ ছাত্ৰ-ছাত্ৰীৰ সৈতে কথা পাতিছিল। সেই তালিকাত অমিতো আছিল। পিছলৈ সেই শিক্ষানুষ্ঠানৰ পৰা স্নাতক হৈ সেনাবাহিনীত যোগদান কৰে।
আজি অমিতে সেই দুই দশক পুৰণি স্মৃতিৰ চিহ্ন হিচাপে ‘মুখ্যমন্ত্ৰী মোদীʼৰ সৈতে তোলা ফটোখন দেখুৱায়।২০১৪ চনত প্ৰধানমন্ত্ৰী হোৱাৰ পিছত মোদীয়ে ‘বিশ্বৰ সৰ্বোচ্চ যুদ্ধক্ষেত্ৰ’ ছিয়াচেনত স্থাপিত সেনাৰ সৈতে দীপাৱলী উদযাপন কৰিছিল। এইবাৰ ১৯৯৯ চনৰ ভাৰত-পাক সীমান্ত সংঘাতৰ স্থান কাৰ্গিলত ভাৰতীয় সেনাৰ বিষয়া-জোৱানৰ সৈতে দীপাৱলী পাৰ কৰিছে।
সেই সেনা বিষয়াসকলৰ ভিতৰত আছে অমিত।সোমবাৰে কাৰ্গিল ভ্ৰমণ কৰি মোদীয়ে সীমা অতিক্ৰম কৰি সন্ত্ৰাসবাদ প্ৰতিহত কৰাৰ ক্ষেত্ৰত ভাৰতীয় সেনাৰ ভূমিকাক প্ৰশংসা কৰে। তেওঁ কয়, “কাৰ্গিলত আমাৰ জোৱানে সন্ত্ৰাসবাদ ধ্বংস কৰাত সফল হৈছে।
