কিশোৰীৰ ওঁঠত এশ টকীয়া (hundred rupees on the teenager’s lips) নোট গুঁজি দি ‘মূল্যবৃদ্ধি’ (‘Price rise) কৰাৰ বাবে কটুক্তি কৰি মানসিক আৰু যৌন নিৰ্যাতন (Mental and sexual abuse) চলাইছিল। এই অভিযোগত মুম্বাই (Mumbai)ৰ বিশেষ POCSO আদালতে ৩২ বছৰীয়া যুৱকক ১ বছৰৰ কঠোৰ কাৰাদণ্ডৰ শাস্তি প্ৰদান কৰে। যোৱা সপ্তাহৰ ৰায়দান মঙলবাৰে প্ৰকাশ হয়।
সংবাদ মাধ্যমৰ বাতৰি অনুসৰি, ২০১৭ চনৰ ১৪ জুলাইত এগৰাকী ১৬ বছৰীয়া কিশোৰীৰ অভিযোগৰ ভিত্তিত আৰক্ষীয়ে যুৱকজনক গ্ৰেপ্তাৰ কৰি POCSO Act-ৰ (Protection for Children from Sexual Offences Act) অধীনত গোচৰ ৰুজু কৰে। পিছৰ বছৰৰ এপ্ৰিল মাহত এই গোচৰত অভিযুক্তই জামিন লাভ কৰিছিল যদিও পুনৰ আন এটা অপৰাধত গ্ৰেপ্তাৰ হৈছিল।
কিশোৰীগৰাকীয়ে আৰক্ষীক অভিযোগ কৰে যে যুৱকজনে প্ৰতিবাৰ ঘৰৰ পৰা ওলাই যোৱাৰ সময়ত তেওঁক অনুসৰণ কৰে। কলেজলৈ যোৱাৰ বাটত তেওঁ হুইচেল বজাই ঠাট্টা-মস্কৰা কৰিছিল। ১৩ জুলাই, ২০১৭-ৰ নিশা ৮ বজাৰ ওচৰত চুবুৰীয়া এজনৰ সৈতে বজাৰলৈ গৈছিল। সেই সময়তো যুৱকজনে তেওঁৰ পিছে পিছে যায়। হঠাৎ সন্মুখত থিয় হয়। ইয়াৰ পিছত এশ টকীয়া নোট এখন মুখৰ সন্মুখত ৰাখি ওঁঠত গুঁজি দি কয়, “কিয় এনেকুৱা কৰিছা? নিজৰ ইমান দাম কিয় বঢ়াইছা?”
তেওঁ খঙত চিঞৰি উঠে, কিন্তু বজাৰৰ কোনোৱেই তেওঁৰ কাষলৈ নাহিল। অৱশ্যে ঘৰলৈ উভতি আহি গোটেই ঘটনাটো মাতৃক জনালে। ইয়াৰ পিছত অভিযুক্তৰ ঘৰত যেতিয়া তেওঁক মুখামুখী কৰে তেতিয়া তেওঁলোকে গালি-গালাজ কৰি বাহিৰ কৰি দিয়ে। ইয়াৰ পিছতে যুৱকজনৰ বিৰুদ্ধে থানাত অভিযোগ দাখিল কৰে কিশোৰীয়ে।
এই গোচৰত আদালতে লক্ষ্য কৰিছে যে অভিযুক্তৰ এই আচৰণ নিৰ্যাতন আৰু যৌন নিৰ্যাতনৰ সমান। লগতে আদালতত ছোৱালীজনীৰ বক্তব্য আৰু চুবুৰীয়াৰ কথাৰ মাজত কোনো অসামঞ্জস্যতা নাছিল। ইয়াৰ পিছত আদালতে অভিযুক্তক দোষী সাব্যস্ত কৰি কঠোৰ কাৰাদণ্ডৰ শাস্তি প্ৰদান কৰে।
অৱশ্যে এই গোচৰত অভিযুক্তক জে’ললৈ প্ৰেৰণ কৰাৰ সময়ত আদালতে তেওঁৰ পৰিয়ালৰ আৰ্থিক সমস্যাৰ কথা মনত ৰাখিছিল, যʼত তেওঁৰ মাতৃ অসুস্থতা হৈও আছিল। তেওঁৰ মাতৃ কেন্সাৰ ৰোগত আক্ৰান্ত।
