৪৯ সংখ্যক কাৰবি যুৱ মহোৎসৱৰ (49th Karbi Youth Festival) লগত সংগতি ৰাখি কাৰবি আংলং ক্ৰীড়া সন্থাৰ উদ্যোগত আৰু কেচিএছৰ সহযোগত আজি তাৰালাংচ’ৰ প্ৰৱেশ দ্বাৰৰ পৰা অপেন প্ৰাইজমনি হাফ মাৰাথান দৌৰৰ (Open Prize money Half Marathan) ফ্লেগ অফ কৰে কাৰবি আংলং স্বায়ত্তশাসিত পৰিষদৰ চিইএম ডঃ তুলিৰাম ৰংহাঙে (Dr Tuliram Ronghang) ৷
প্ৰতিযোগিতাটিৰ ফ্লেগ অনুষ্ঠানত অতিথি হিছাপে উপস্থিত থাকে ক্ৰমে, পৰিষদৰ এমএচি হেডছিং ৰংফাৰ, কেচিএছ সভাপতি চন্দ্ৰছিং ক্ৰ’ জিলা ক্ৰীড়া বিষয়া ৰিলিপ ৰংহাঙ আৰু কাৰবি আংলং ক্ৰীড়া সন্থাৰ সাধাৰণ সম্পাদক ডঃ পংকজ টেৰণ ৷ উল্লেখ যোগ্য উক্ত হাফ মাৰাথান দৌৰ প্ৰতিযোগিতাত কাৰবি আংলঙৰ লগতে অসমৰ বিভিন্ন প্ৰান্তৰ খেলুৱৈ সকলে অংশ গ্ৰহণ কৰে ৷
পুৰষ-মহিলা উভয় শাখাৰ বাবে অনুষ্ঠিত হোৱা মাৰাথান দৌৰৰ বিজয়ী সকলক উদ্যোক্তা সকলে ক্ৰমে, ১০ হাজাৰ, ৮ হাজাৰ আৰু ৬ হাজাৰ টকাকৈ নগদ ধনেৰে পুৰষ্কৃত কৰে বুলি জানিব পৰা গৈছে ৷
