ৰায়পুৰত কংগ্ৰেছৰ পূৰ্ণাংগ অধিবেশনত অংশ লৈছিল এআইচিচি (AICC)ৰ মুখপাত্ৰ পৱন খেৰাকে (Spokesperson Pawan Khera) ধৰি অন্যান্য কংগ্ৰেছ নেতাসকলে। তাৰ পিছত দিল্লী বিমানবন্দৰত (Delhi Airport) ৰায়পুৰ অভিমুখী বিমানৰ পৰা পৱনক নমাই দিয়া (Dropping Pawan from the plane) হয়। তাৰ প্ৰতিবাদ কৰে পৱনৰ সহযাত্ৰী সুপ্ৰিয়া শ্ৰীনটেকে আদি কৰি অন্যান্য লোকে। এই ঘটনাক কেন্দ্ৰ কৰি দিল্লী বিমানবন্দৰত হুলস্থুলীয়া পৰিৱেশৰ সৃষ্টি হয়।
এই সন্দৰ্ভত পৱনে কয়, “মোক কোৱা হৈছিল যে মোৰ লাগেজৰ কিবা সমস্যা হৈছে। গতিকে তললৈ নামিব লাগিব। অৱশ্যে মোৰ লাগেজ বুলিবলৈ মাত্ৰ এটা হেণ্ডবেগ! তেওঁলোকে মোক কৈছিল, মই বিমানত বহিব নোৱাৰো। ডিচিপিয়ে মোক লগ কৰিব। মই ইয়াত বহু দেৰিৰ পৰা অপেক্ষা কৰি আছো। ইয়াত কোনো আইন-শৃংখলা নাই।”পৱনক বিমানৰ পৰা আঁতৰাই দিয়াৰ পিছত পৱনৰ সতীৰ্থ কংগ্ৰেছ নেতাসকলো বিমানৰ পৰা নামি আহে।
বিমানবন্দৰত বিমানখনৰ সন্মুখত বহি, ‘বিজেপি হায় হায়’ শ্লোগান উত্থাপন কৰে।কিন্তু কিয় পৱনক বিমানত উঠিবলৈ বাধা দিয়া হʼল? এতিয়ালৈকে কোনো স্পষ্ট উত্তৰ পোৱা নাই। অৱশ্যে ইণ্ডিগোৰ মতে, পৱনক বিমানখনত উঠিবলৈ নিদিবলৈ তেওঁলোকক নিৰ্দেশ দিয়া হৈছিল।
