আজি পুৱাৰ ভাগতে ডিফুৰ সমীপৱৰ্তী নৈলালং ৰেল ষ্টেচনৰ ৰেল লাইনত( railway tracks)এটি ৪৫ বছৰীয়া অচিনাক্ত পুৰুষ লোকৰ মৃতদেহ উদ্ধাৰ কৰিছে ৰেলৱে আৰক্ষীয়ে ৷ প্ৰাপ্ত খবৰ অনুসৰি আজি পুৱা প্ৰায় ৭-৪০মান বজাত নৈলালং ৰেল ষ্টেচনৰ এল/৩ তিনি নম্বৰ লাইনৰ ২১২/৬-৭ কি:মিটাৰত ৰেল আৰক্ষীয়ে মৃতদেহটো উদ্ধাৰ কৰিবলৈ সক্ষম হয় ।
মৃতদেহটো উদ্ধাৰৰ পাছত ডিফুৰ কাৰ্যবাহী দণ্ডাধীশৰ হতুৱাই ডিফু চিকিৎসা মহাবিদ্যালয় আৰু হাস্পাতালত মৰণোত্তৰ পৰীক্ষা কৰোৱা হয় ৷ মৰণোত্তৰ পৰীক্ষাৰ পিছত মৃতদেহটো চিনাক্তকৰণৰ বাবে ডিএমচিএইছৰ মৰ্গত ৭২ ঘণ্টাৰ বাবে সংৰক্ষণ কৰা হৈছে বুলি ডিফু চৰকাৰী ৰেল আৰক্ষীৰ সূত্ৰত প্ৰকাশ কৰা হৈছে ৷ অৱশ্যে কোনখন ৰেলৰ খুন্দাত লোকজনৰ মৃত্যু হৈছে সেই বিষয়ে জানিব পৰা হোৱা নাই ৷
