বোকাখাত (Bokakhat)ত বিশিষ্ট কবি, নাট্যকাৰ, সাংবাদিক অমৰ শৰ্মা (Amar Sarma)ৰ নাটক ‘বেহুৰ চাৰ্কাছ’ৰ (Behur Circus) আজি শুভ মহুৰৎ সম্পন্ন হৈ যায়। বোকাখাতৰ সাংস্কৃতিক কৰ্ম কাণ্ডৰ হৃদপিণ্ড বোকাখাত নাট্য মন্দিৰৰ (Bokakhat Natya Mandir) নিবেদনত আৰু অসমৰ এমেচাৰ নাট জগতৰ এক মাইলৰ খুটি বোকাখাতৰ প্ৰায় দুকুৰি বছৰীয়া ‘ৰূপজ্যোতি সংঘ’ৰ প্ৰযোজনাত অসমৰ বিশিষ্ট কবি, নাট্যকাৰ, নাট পৰিচালক ৰফিকুল হোছেইনৰ পৰিচালনাত অনুষ্ঠিত কৰিবলৈ লোৱা হৈছে নাট ‘বেহুৰ চাৰ্কাছ’।
এই উদ্দেশ্যে আজি বোকাখাত নাট্য মন্দিৰত বিশিষ্ট নাট্যকৰ্মী তথা অসম ৰাজ্যিক সাংবাদিক সংস্থাৰ সভাপতি জিতু শৰ্মা ৰাজখোৱাই আঁত ধৰা শুভমহুৰৎ অনুষ্ঠানৰ বন্তি প্ৰজ্বলন কৰে সদৌ অসম লেখিকা সমাৰোহ সমিতিৰ সভানেত্ৰী সূৱৰ্ণ শইকীয়া বৰদলৈয়ে। বোকাখাত পুৱতি সাহিত্য সভাৰ সভাপতি অপূৰ্ব বৰদলৈৰ সভাপতিত্বত অনুষ্ঠিত অনুষ্ঠানত জ্যেষ্ঠ সাংবাদিক তথা আপকুৰ প্ৰতিষ্ঠাপক সভাপতি ভৱেশ শইকীয়াই নাটখনিৰ শুভ মহুৰৎ কৰে।
অনুষ্ঠানত ভৱেশ শইকীয়া আৰু প্ৰজ্বলক সূৱৰ্ণ শইকীয়া বৰদলৈৰ লগতে পৰিচালক ৰফিকুল হোছেইন, নাট্যকাৰ অমৰ শৰ্মা, বোকাখাত নাট্য মন্দিৰৰ উপদেষ্টা তথা বিশিষ্ট সমাজকৰ্মী মহাবীৰ প্ৰসাদ আগৰৱালা আদিয়ে বিশিষ্ট অতিথি হিচাপে উপস্থিত থাকি শুভেচ্ছামূলক বক্তব্য প্ৰদান কৰে। উপস্থিত ৰাইজৰ মাজৰ পৰা বোকাখাত মহকুমা কবি সন্মিলনৰ প্ৰাক্তন সম্পাদক মনালিছা শইকীয়াই বক্তব্য ৰাখে। বিশিষ্ট অতিথি হিচাপে আৰু উপস্থিত থাকে বোকাখাত মহকুমা সাংবাদিক সংস্থাৰ সভাপতি বুবুল দত্ত, ৱাৰ্ড কমিশ্যনাৰ প্ৰাঞ্জল বৰুৱা আদি।
অনুষ্ঠানত বিশিষ্ট সাংস্কৃতিক কৰ্মীদ্বয় দুলাল ডেকা আৰু অৰুণ শইকীয়া, প্ৰবীণ নাট্যকৰ্মী বিমান বৰুৱা, বিশিষ্ট নাট্যকৰ্মী বিপুল কলিতা, সাংবাদিক দিব্যজ্যোতি হাজৰিকা, কাজিৰঙা নিউজ নেটৱৰ্ক ৰ অধ্যক্ষ বদন দুৱৰা, সাৰথি নাট্যগোষ্ঠী বোকাখাতৰ ৰিপুঞ্জয় দত্ত, জ্যেষ্ঠ সাংবাদিক ড° বাবুলাল মোৰ, বোকাখাত শিল্পী সমাজৰ সভাপতি বিজয় শৰ্মা, প্ৰবীণ শিল্পী জিতেন শৰ্মা ৰাজখোৱা, বোকাখাত পুৱতি সাহিত্য সভাৰ প্ৰাক্তন সভাপতি মনোৰঞ্জন সেন, বিশিষ্ট সাংস্কৃতিক কৰ্মী মৌচুমী বৰা, বিশিষ্ট নাট্যকৰ্মী তথা নাট পৰিচালক নিৰজমনি বৰা, বিশিষ্ট নাট্যকাৰ পৰিচালক ৰাতুল ফুকন, যুৱ নাট পৰিচালকদ্বয় তৰুণ তীৰ্থ শইকীয়া আৰু অবিনাশ শৰ্মা, বিশিষ্ট সাংস্কৃতিক কৰ্মী কাকলি গোস্বামী, সদৌ অসম কবি সন্মিলনৰ কেন্দ্ৰীয় কাৰ্যনিৰ্বাহক সদস্য তথা সাংবাদিক মৃদুস্মিতা শৰ্মা, নাট্যকৰ্মী-কবি-সাংবাদিক অজন্তা তালুকদাৰ আদিৰ লগতে বোকাখাত নাট্য মন্দিৰ আৰু ৰূপজ্যোতি সংঘৰ বিষয় ববীয়া সকল আৰু যথেষ্ট সংখ্যক স্থানীয় গণ্যমান্য ব্যক্তি উপস্থিত থাকে। শেষত শলাগৰ শৰাই আগবঢ়ায় জিতু শৰ্মা ৰাজখোৱাই।
