আবকাৰী দুৰ্নীতিৰ তদন্তত সহযোগ কৰা নাই দিল্লী (Delhi)ৰ প্ৰাক্তন উপ-মুখ্যমন্ত্ৰী মনীষ ছিছোদিয়াই (Manish Sisodia)। শনিবাৰে তদন্তকাৰী সংস্থাটোৱে দিল্লীৰ চিবিআই (CBI)ৰ বিশেষ আদালতত এই দাবী উত্থাপন কৰি তেওঁক আৰু তিনিদিন জিম্মাত ৰখাৰ দাবী জনায়। এই আবেদন ‘আংশিকভাৱে’ গ্ৰহণ কৰি ন্যায়াধীশগৰাকীয়ে ছিছোদিয়াক আৰু দুদিনৰ বাবে চিবিআইৰ জিম্মালৈ প্ৰেৰণ কৰাৰ নিৰ্দেশ দিয়ে।
ছিছোদিয়াৰ অধিবক্তাই জামিনৰ বাবে আবেদন জনাইছিল যদিও চিবিআয়ে পুনৰ ন্যায়াধীশক তিনিদিনৰ বাবে জিম্মাত দিবলৈ কয়। ছিছোদিয়াৰ অধিবক্তাই কয় যে তেওঁৰ ক্লায়েণ্টৰ পত্নী গুৰুতৰভাৱে অসুস্থ। ইয়াৰ উপৰি তেওঁ কয়, ‘চিবিআইৰ অদক্ষতা কেতিয়াও জামিন নোপোৱাৰ কাৰণ হʼব নোৱাৰে।’ শেষত ন্যায়াধীশে চিবিআইৰ আবেদন আংশিকভাৱে মানি লৈ ছিছোদিয়াক দুদিনৰ বাবে তেওঁলোকৰ জিম্মালৈ প্ৰেৰণ কৰে।
