হাইস্কুল শিক্ষান্ত পৰীক্ষাৰ বিজ্ঞান বিষয় (Science Subject)ৰ প্ৰশ্নকাক (Question paper)ত পৰীক্ষাৰ পূৰ্বেই ফাদিল (Leak) হোৱাৰ পৰিপ্ৰেক্ষিতত ছেবা (SEBA)ৰ বিৰুদ্ধে ৰাজ্যজুৰি তুমুল প্ৰতিবাদৰ জোৱাৰ উঠাৰ সময়তে আজি কাৰ্বি আংলং (Karbi Anglong) জিলা ছাত্ৰ সন্থা (Student Union)ৰ উদ্যোগত বকলীয়াঘাট (Bakliaghat)ত ছেবাৰ ব্যৰ্থতাৰ বিৰুদ্ধে প্ৰতিবাদ সাব্যস্ত কৰা হয়।
আজি দিনৰ প্ৰায় এঘাৰ বজাত ছাত্ৰ সংগঠনটোৰ ভালেসংখ্যক নেতা-কৰ্মীয়ে বকলীয়াঘাট উচ্চতৰ মাধ্যমিক বিদ্যালয়ৰ সন্মুখত অসমৰ শিক্ষামন্ত্ৰী ডাঃ ৰণোজ পেগু, ছেবাৰ অধ্যক্ষ ৰমেশ চন্দ্ৰ জৈন আৰু পৰীক্ষা নিয়ন্ত্ৰক নয়নজ্যোতি শৰ্মাৰ পুত্তলিকা ওলোমাই প্ৰতিবাদ (Protest) সাব্যস্ত কৰে। প্ৰতিবাদ কাৰী সকলে লগতে ʼশিক্ষামন্ত্ৰী ডাঃ ৰণোজ পেগু হায় হায়ʼ, ʼছেবাৰ অধ্যক্ষ ৰমেশ চন্দ্ৰ জৈনক বৰ্খাস্ত কৰকʼ, ʼ পৰীক্ষা নিয়ন্ত্ৰক নয়নজ্যোতি শৰ্মাক গ্ৰেপ্তাৰ কৰকʼ, ʼ অসম চৰকাৰ হায় হায়ʼ, ʼনৈতিক দায়িত্ব স্বীকাৰ কৰি শিক্ষামন্ত্ৰী, ছেবাৰ অধ্যক্ষই পদত্যাগ কৰকʼ আদি শ্লʼগানেৰে পৰিৱেশ উত্তাল কৰি তোলে।
