নিশা বন্ধু এজনৰ সৈতে পাৰ্কত বহি থকা অৱস্থাত ৪ জন যুৱকে টানি গাড়ীত উঠাই লৈ যায়। ইয়াৰ পিছত চাৰিওজনে (4 persons) গোটেই ৰাতি চলন্ত গাড়ীত তেওঁক ধৰ্ষণ (Rape) কৰে। পিছদিনা পুৱা তেওঁক গাড়ীৰ পৰা নমাই দিয়ে। পিছত যুৱতীগৰাকীয়ে থানালৈ গৈ দলবদ্ধ ধৰ্ষণ (Gang rape)ৰ অভিযোগ উত্থাপন কৰে। শুকুৰবাৰে আৰক্ষী বিষয়াই জনোৱা মতে, তেওঁৰ অভিযোগৰ ভিত্তিত চাৰিজন যুৱকক গ্ৰেপ্তাৰ কৰা হৈছে।
আৰক্ষীৰ সূত্ৰ অনুসৰি, ২৫ মাৰ্চ শনিবাৰৰ নিশাৰ পৰা পিছদিনা পুৱালৈকে অভিযুক্তই দলবদ্ধ ধৰ্ষণ কৰিছিল।অভিযোগনামাত দাবী কৰে যে তেওঁ কোৰমংগালা থানা (Kormangala Thana) এলেকাৰ নেচনেল গেমছ ভিলেজ পাৰ্কত (National Games Village Park) বন্ধুৰ সৈতে বহি আছিল। সেই সময়ত এখন গাড়ী লৈ তাত ৪ জন যুৱকৰ আবিৰ্ভাৱ হয়। তাৰ পিছত বন্ধুজনক ভাবুকি দিয়ে। ইয়াৰ পিছত বলপূৰ্বকভাৱে তাৰ পৰা টানি আনি তেওঁলোকৰ গাড়ীলৈ লৈ যোৱা হয়।
