ইয়াৰ পূৰ্বেও তেওঁ কেইবাবাৰো বিতৰ্কিত মন্তব্য কৰিছে। বিজেপিৰ চলচ্চিত্ৰ তাৰকা (BJP’s film star) সাংসদ হেমা মালিনীয়ে (MP Hema Malini) এইবাৰ পৰিচয় দিলে নিজৰ অজ্ঞানতাৰ। তেওঁ টুইটাৰ (Tweeter)ত লিখিছে, “বিহু বিহাৰীসকলৰ উৎসৱ” (Bihu is a festival of Biharis)!
মথুৰাৰ সাংসদগৰাকীয়ে অসমৰ নৱবৰ্ষৰ উৎসৱ ‘বিহু’ বিহাৰলৈ প্ৰেৰণ কৰাৰ বাবে ছচিয়েল মিডিয়াত আক্ৰমণৰ সন্মুখীন হʼবলগীয়া হয়। বহু অসমীয়াই তেওঁক ক্ষমা বিচৰাৰ দাবী জনায়। ইয়াৰ পিছত তেওঁ খৰধৰকৈ নিজৰ ভুলৰ বাবে ক্ষমা খোজে (Apologizes for the mistake)। ক্ষমা খুজি লিখিছে, “ভুলতে মই বিহুক বিহাৰৰ উৎসৱ লিখিছো। মই দুঃখিত। বিহু অসমৰ উৎসৱ।”
উল্লেখযোগ্য যে ২০১৯ চনৰ লোকসভা নিৰ্বাচনৰ পূৰ্বে মথুৰাৰ সাংসদ হেমাই কাঁচি লৈ কৃষি পথাৰত শস্য চপোৱাৰ বাবে নামি পৰিছিল। মূৰত শস্য লৈ বাটত খোজ দিছিল। ট্ৰেক্টৰো চলাইছিল।
নিৰ্বাচনত জয়ী হোৱাৰ দুবছৰ পিছত তেওঁ নৰেন্দ্ৰ মোডী চৰকাৰৰ বিতৰ্কিত কৃষি আইনৰ বিৰুদ্ধে কৃষকসকলৰ আন্দোলনক সমালোচনা কৰি কয়, “কৃষকসকলে নিজেই নাজানে তেওঁলোকে কি বিচাৰে!”
ইয়াৰ পূৰ্বে অভিনেত্ৰী প্ৰত্যুষা বেনাৰ্জীৰ মৃত্যুৰ বাবে তেওঁ ছ’চিয়েল মিডিয়াত ‘অবোধ আত্মহত্যা’ লিখি এক বিতৰ্কত লিপ্ত হৈছিল।
