শিলচৰৰ চানমাৰীত সংঘটিত হৈছে এক মৰ্মান্তিক ঘটনা। এটা আৱাসিক ফ্লেটৰ গেট ভাঙি পৰাৰ ফলত মৃত্যু হয় নিৰাপত্তাৰক্ষী নিখিল দাসৰ। মৃত নিখিল দাসৰ ঘৰ শিলচৰৰ তাৰাপুৰৰ গিৰিশ ৰোড অঞ্চলত বুলি জানিব পৰা গৈছে। বৃহস্পতিবাৰে নিশা সংঘটিত হয় এই শোকাৱহ ঘটনাটো। ঘটনাৰ খবৰ লাভ কৰি ততাতৈয়াকৈ ঘটনাস্থলীত উপস্থিত হয় অতিৰিক্ত আৰক্ষী অধীক্ষক পাৰ্থপ্ৰতিম শইকীয়া আৰু তাৰাপুৰ আৰক্ষী চকীৰ ভাৰপ্ৰাপ্ত বিষয়া শুভদীপ দত্ত।
ঘটনাস্থলীত উপস্থিত হৈ আৰক্ষীয়ে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে শিলচৰ মেডিকেল কলেজ হাস্পতাললৈ প্ৰেৰণ কৰে। আৱাসিক ফ্লেটটোৰ গেটটো কেনেদৰে ভাঙি পৰিল আৰু কি পৰিস্থিতিত এই মৰ্মান্তিক দুৰ্ঘটনাটো সংঘটিত হ’ল, সেই সন্দৰ্ভত আৰক্ষীয়ে তদন্ত অব্যাহত ৰাখিছে। এই ঘটনাক কেন্দ্ৰ কৰি অঞ্চলটোত শোকৰ ছাঁ পৰিছে।
