দেওবাৰে প্ৰধানমন্ত্ৰী নৰেন্দ্ৰ মোডী (Narendra Modi)ৰ ৰেডিঅʼ অনুষ্ঠান ‘মন কি বাত’ (Mann Ki Baat)ৰ শততম খণ্ড প্ৰচাৰ কৰা হʼব। তাৰ পূৰ্বে এটা সুন্দৰ মুহূৰ্ত এই ৰেডিঅ’ শ্ব’ৰ ১০০ সংখ্যক খণ্ডৰ লগত সংগতি ৰাখিছিল। যোৱা বুধবাৰে নতুন দিল্লী (Delhi)ত ‘মন কি বাত’ৰ সম্প্ৰচাৰৰ ১০০ সংখ্যক খণ্ড উদযাপনৰ বাবে এক বিশেষ অনুষ্ঠানৰ আয়োজন কৰা হৈছিল। তাত অতিথি হিচাপে উপস্থিত থাকে এগৰাকী মহিলা।
অনুষ্ঠানৰ সময়ত মহিলাগৰাকীৰ প্ৰসৱ যন্ত্ৰনা (Labour pains during the ceremony) আৰম্ভ হয়। লগে লগে তেওঁক চিকিৎসালয়লৈ লৈ যোৱা হয়। মহিলাগৰাকীয়ে তাতেই পুত্ৰ সন্তান জন্ম (Birth of a son) দিয়ে। বিশেষ দিনটোত মাতৃ হʼবলৈ পাই উৎফুল্লিত হৈ পৰিছে মহিলাগৰাকী।
যোৱা বুধবাৰে ৰাজধানীত ‘ৰাষ্ট্ৰীয় কনক্লেভ : মন কি বাত ১০০’ নামৰ এক অনুষ্ঠানৰ আয়োজন কৰা হয়। তাত ১০০ অতিথিক নিমন্ত্ৰণ কৰা হৈছিল। অতিথিসকলৰ ভিতৰত আছিল উত্তৰ প্ৰদেশৰ লখিমপুৰ খেৰীৰ বাসিন্দা পুনম দেৱী। অনুষ্ঠানৰ সময়ত তেওঁৰ প্ৰসৱ যন্ত্ৰনা আৰম্ভ হোৱাত লগে লগে তেওঁক ৰাম মনোহৰ লোহিয়া চিকিৎসালয়লৈ লৈ যোৱা হয়। মহিলাগৰাকীয়ে তাতেই পুত্ৰ সন্তান জন্ম দিয়ে।
এনে এক বিশেষ দিনত তেওঁলোকৰ পৰিয়ালৰ নতুন সদস্যৰ আগমনক লৈ উৎফুল্লিত হৈ পৰিছে পুনমৰ পৰিয়াল। তেওঁৰ স্বামী প্ৰমোদ কুমাৰে সংবাদ মাধ্যমৰ আগত কয়, “এটা বিশেষ দিনত মোৰ লʼৰাটোৰ জন্ম হোৱাটো আমাৰ সৌভাগ্য৷ আমাৰ বিশ্বাস এই শিশু অতি ভাগ্যৱান।” বৰ্তমান মাতৃ আৰু পুত্ৰ সুস্থ বুলি কয় পুনমৰ স্বামীয়ে। পুনম লখিমপুৰ খেৰীৰ এটা আত্মসহায়ক গোটৰ সৈতে জড়িত।
পেলনীয়া বস্তুৰ পৰা তেওঁ বিভিন্ন ধৰণৰ সামগ্ৰী তৈয়াৰ কৰিছিল। প্ৰধানমন্ত্ৰীয়ে ‘মন কি বাত’ত পুনমৰ কথা আলোকপাত কৰে। এই প্ৰসংগত তেওঁৰ স্বামীয়ে কয়, “মন কি বাতৰ এই খণ্ডটো আমাৰ বাবে অতি বিশেষ স্মৰণীয় হʼব। পুনম আৰু তেওঁৰ কামক উজ্জ্বল কৰাৰ বাবে প্ৰধানমন্ত্ৰীক ধন্যবাদ।”বুধবাৰে এই কাৰ্যসূচী উদ্বোধন কৰে উপ-ৰাষ্ট্ৰপতি জগদীপ ধনখৰে। অনুষ্ঠানত ‘মহিলা শক্তিʼকে ধৰি কেইবাটাও বিষয়ৰ ওপৰত আলোচনা কৰা হয়। তাত কেন্দ্ৰীয় গৃহমন্ত্ৰী অমিত শ্বাহ, ৰে’ল মন্ত্ৰী অশ্বিনী বৈষ্ণৱকে ধৰি বহুকেইজন ব্যক্তি উপস্থিত থাকে।
