প্ৰতি বছৰে ৫ জুনত পালন কৰা হয় বিশ্ব পৰিৱেশ দিৱস।বিশ্ব পৰিৱেশ দিৱস(World Environment day), ২০২৩ উদযাপনৰ লগত সংগতি ৰাখি বোকাখাত মহকুমা প্ৰশাসনে গছপুলি ৰোপণ আৰু চাইকেল ৰেলী কাৰ্যসূচীৰ আয়োজন কৰে।
স্বাস্থ্য আৰু পৰিৱেশ সজাগতামূলক চাইকেল ৰেলীত অতিৰিক্ত উপায়ুক্ত তথা বোকাখাত মহকুমাৰ ভাৰপ্ৰাপ্ত মহকুমাধিপতি ডা: নেহা যাদৱৰ লগতে মহকুমা প্ৰশাসনৰ বিষয়া- কৰ্মচাৰী,জেষ্ঠ নাগৰিক,ছাত্র -ছাত্ৰী, সাংবাদিক কৰ্মী সকল তথা স্থানীয় ৰাইজে অংশগ্ৰহণ কৰে।
আনহাতে বিশ্ব পৰিৱেশ দিৱস উপলক্ষে বোকাখাত পৌৰ সভাৰ উদ্যোগত বোকাখাত নাট্য মন্দিৰৰ সন্মুখত পৰিৱেশ সজাগতাৰ ওপৰত এখন বাটৰ নাট পৰিৱেশন কৰা হয়।
