ASSAM TIMES POST
গুৱাহাটীঃ ৰাজ্যৰ প্ৰাথমিক বিদ্যালয়ৰপৰা আৰম্ভ কৰি মহাবিদ্যালয়সমূহলৈকে খালী হৈ থকা শিক্ষকৰ আসনৰ মুঠ সংখ্যা হৈছে ৪২, ১৮৯। চলিত অসম বিধান সভাৰ শীতকালীন অধিৱেশনত এই কথা প্ৰকাশ পাইছে।
সেই অনুসৰি, ৰাজ্যৰ মহাবিদ্যালয়সমূহত ৮০৫ গৰাকী শিক্ষকৰ পদ খালী হৈ আছে। ইফালে জুনিয়ৰ কলেজ, উচ্চতৰ মাধ্যমিক বিদ্যালয়সমূহত খালী হৈ থকা শিক্ষকৰ আসনৰ সংখ্যা ২১, ৫৬২। আকৌ, প্ৰি-ছিনিয়ৰ, ছিনিয়ৰ আৰু টাইটেল মাদ্ৰাছা তথা আৰৱী কলেজসমূহত খালী হৈ আছে ৮০৭ টা শিক্ষকৰ পদ।
সমান্তৰালভাৱে, মধ্য ইংৰাজী বিদ্যালয়সমূহত খালী হৈ থকা শিক্ষকৰ পদৰ সংখ্যা ৮,১৪১ টা আৰু প্ৰাথমিক বিদ্যালয়সমূহত ১০,৮৭৪ টা শিক্ষকৰ পদ খালী হৈ আছে।
