অসম-মেঘালয় সীমান্তৰ ডিলাইত (Dilai) আৰক্ষীৰ নাকা তালাচীত উদ্ধাৰ হৈছে বুজন পৰিমানৰ সন্দেহযুক্ত হেৰ’ইন (Drugs) ৷ প্ৰাপ্ত খবৰ অনুসৰি বৃহস্পতিবাৰে বিয়লি ডিলাই থানাৰ অ’চিৰ নেতৃত্বত আৰু থানা ষ্টাফৰ সহযোগত ডিলাই তিনি আলিত নিয়মীয়া নাকা তালাচীৰ সময়ত উদ্ধাৰ হয় হেৰইনখিনি ৷
ডিমাপুৰৰ পৰা আহি থকা AS02C 1705 নম্বৰৰ এখন আল্ট্ৰা বাছত যাত্ৰী হিছাপে আহি থকা এগৰাকী মহিলাৰ শৰীৰত লুকুৱাই অনা অৱস্থাত দুটা চাবোনৰ বাকচত ২৪’৪৪ হেৰইন আৰক্ষীয়ে উদ্ধাৰ কৰিবলৈ সক্ষম হয় ৷
উদ্ধাৰ কৰা হেৰইনখিনিৰ লগত জড়িত থকা মৰিগাওঁ জিলাৰ ভূৰাগাওঁ থানা এলেকাৰ হাতীলাপুৰা গাঁৱৰ আশ্বিকুল ইছলামৰ পত্নী আছলিমা বেগম (২৫)ক আটক কৰিবলৈ সক্ষম হয় ৷ এই সন্দৰ্ভত আৰক্ষীয়ে তদন্ত অব্যাহত ৰখা বুলি জানিব পৰা গৈছে ৷
