Fresh Violence in Manipur I অশান্ত মণিপুৰত পুনৰ ৯ জনক হত্যা

হিংসাবিধ্বস্ত মণিপুৰত (Manipur Violence) অশান্তি এতিয়াও যেন কমাৰ নামেই লোৱা নাই। এইবাৰ গভীৰ নিশা গাঁৱত সোমাই তাণ্ডৱ চলালে সন্ত্ৰাসবাদীয়ে (Terrorist)। যাৰ ফলত মৃত্যু হয় মহিলাসহ ৯ জনৰ। আহত আন প্ৰায় ১০ জনক হস্পিটেলত ভর্তি কৰোৱা হৈছে।

সংবাদ সংস্থা পিটিআইৰ (PTI) সূত্র মতে, মঙ্গলবাৰে মাজনিশা এই আক্ৰমণৰ ঘটনাটি ঘটে। সন্ত্ৰাসবাদীয়ে আধুনিক অস্ত্র-শস্ত্র লৈ গাঁওখনত প্ৰৱেশ কৰি নির্বিচাৰে গুলীচালনা কৰাত মৃত্যু হয় মহিলাসহ ৯ জনৰ। জানিব পৰা মতে, পূব ইম্ফল আৰু কাংপোকি জিলাৰ সীমান্তৱৰ্তী খামেলোক এলেকাত এই ঘটনাটি ঘটে। আহতসকলক ইম্ফল হস্পিটেলত ভর্তি কৰোৱা হৈছে।

উল্লেখযোগ্য যে সোমবাৰে নিশাও উক্ত স্থানতে গাঁওবাসী আৰু সন্ত্ৰাসবাদীৰ মাজত গুলীয়াগুলীৰ ঘটনা ঘটিছিল। তাত ৯ জন লোক আহত হয়। তাৰ পিছত ২৪ ঘণ্টা পাৰ নৌহওঁতেই উক্ত স্থানতে পুনৰ সংঘৰ্ষ ঘটে।

ইফালে পৰিস্থিতিৰ গুৰুত্ব উপলব্ধি কৰি জিলা প্রশাসনে কাৰফিউ শিথিল কৰাৰ সময় কমাই দিছে। ইয়াৰ পূৰ্বে পুৱা ৫টাৰ পৰা সন্ধ্যা ৬টা পর্যন্ত কাৰফিউ শিথিল কৰা হৈছিল পূব ইম্ফল আৰু পশ্চিম ইম্ফলত। কিন্তু বৰ্তমান শিথিল কৰাৰ সময়সীমা কমাই পুৱা ৫টাৰ পৰা ৯টালৈকে কৰা হৈছে।