বিভিন্ন দল-সংগঠনৰ প্ৰতিক্ৰিয়া-সমালোচনাৰ মাজতে নিৰ্বাচন আয়োগে মঙলবাৰে প্ৰকাশ কৰে অসমৰ সমষ্টি পুনৰ নিৰ্ধাৰণৰ (Assam’s constituency rescheduling draft) খচৰা । এই খচৰা অনুসৰি ৰাজ্যৰ বিধানসভা আৰু লোকসভা সমষ্টিৰ সংখ্যা হ্ৰাস বা বৃদ্ধি হোৱা নাই । তাৰ বিপৰীতে সমষ্টিবোৰৰ সীমাৰেখাৰ সালসলনি কৰাৰ লগতে কেইটামান সমষ্টিৰ নতুনকৈ নামকৰণ কৰা হৈছে ।
সেই অনুসৰি, মঙলদৈ লোকসভা সমষ্টিৰ নতুন নাম হ’ব দৰং, কলিয়াবৰৰ কাজিৰঙা আৰু তেজপুৰ লোকসভা সমষ্টিৰ নতুন নাম শোণিতপুৰ কৰাৰ প্ৰস্তাৱ দিয়া হৈছে । আনহাতে, প্ৰস্তাৱিত খচৰাত কোকৰাঝাৰ আৰু ডিফু সমষ্টিকঅনুসূচিত জনজাতিৰ বাবে সংৰক্ষিত কৰাৰ বিপৰীতে শিলচৰ সমষ্টি অনুসূচিত জাতিৰ বাবে সংৰক্ষিত কৰা হৈছে ।
নতুন খচৰা অনুসৰি লোকসভা সমষ্টি (Lok Sabha constituency as per the new draft) কেইটা হৈছে :
কোকৰাঝাৰ : ৯টা বিধানসভা সমষ্টি- গোসাঁইগাঁও, দোতমা (এছ টি), কোকৰাঝাৰ (এছ টি), বাওখুংগৰী, পৰ্বতঝোৰা, ছিদলী চিৰাং (এছ টি), বিজনী, গোৱর্ধনা আৰু বাক্সা (এছ টি)।
ধুবুৰী : ১১টা বিধানসভা সমষ্টি- গোলকগঞ্জ, গৌৰীপুৰ, ধুবুৰী, মানকাচৰ, বিলাসীপাৰা, দক্ষিণ শালমৰা, জলেশ্বৰ, পূব গোৱালপাৰা, মাণিকপুৰ, মন্দিয়া আৰু চেঙা সমষ্টি।
বৰপেটা : ১০টা বিধানসভা সমষ্টি- অভয়াপুৰী, বঙাইগাঁও, ভৱানীপুৰ, বৰপেটা (এছ চি), ৰূপসী, বজালী, হাজো (এছ চি), বৰক্ষেত্ৰী, নলবাৰী আৰু টিহু।
দৰং : ১১ টা বিধানসভা সমষ্টি- তামুলপুৰ, গোৰেশ্বৰ, ৰঙিয়া, কমলপুৰ, ভেৰগাঁও, ওদালগুৰি (এছ টি), মাজবাট, টংলা, ছিপাঝাৰ, মঙলদৈ আৰু দলগাঁও সমষ্টি।
গুৱাহাটী : ১০টা বিধানসভা সমষ্টি – পশ্চিম গোৱালপাৰা (এছ টি), দুধনৈ (এছ টি), ছমৰীয়া, বকো (এছ টি), পলাশবাৰী, দিছপুৰ, ডিমৰীয়া (এছ চি), নিউ গুৱাহাটী, গুৱাহাটী চেণ্ট্ৰেল আৰু জালুকবাৰী সমষ্টি। গুৱাহাটী লোকসভা সমষ্টিত নতুনকৈ অন্তৰ্ভুক্ত হৈছে ডিমৰীয়া বিধানসভা সমষ্টি । আনহাতে, পশ্চিম গুৱাহাটী আৰু পূব গুৱাহাটী সমষ্টিৰ নাম সলনি কৰি কৰা হৈছে ক্ৰমে নিউ গুৱাহাটী আৰু গুৱাহাটী চেণ্ট্ৰেল ।
ডিফু : ৬টা বিধানসভা সমষ্টি- বোকাজান (এছ টি), হাওৰাঘাট (এছ টি), ডিফু (এছ টি), ৰংখাং (এছ টি), আমৰি (এছ টি) আৰু হাফলং (এছ টি) সমষ্টি।
কৰিমগঞ্জ : ৬টা বিধানসভা সমষ্টি- হাইলাকান্দি, আলগাপুৰ, বদৰপুৰ, উত্তৰ কৰিমগঞ্জ, দক্ষিণ কৰিমগঞ্জ আৰু ৰাতাবাৰী (এছ চি)।
শিলচৰ : ৭টা বিধানসভা সমষ্টি- লক্ষীপুৰ, উদৰবন্দ, কাটিগড়া, বৰখলা, শিলচৰ, সোণাই আৰু নৰসিংপুৰ (এছ চি)।
নগাঁও : ৮টা বিধানসভা সমষ্টি- জাগীৰোড, (এছ চি), লাহৰীঘাট, মৰিগাঁও, বটদ্ৰৱা, ৰূপহীহাট, চামগুৰি, নগাঁও আৰু ৰহা (এছ চি)।
কাজিৰঙা : ১০টা বিধানসভা সমষ্টি- কলিয়াবৰ, বঢ়মপুৰ, বিন্নাকান্দি, হোজাই, লামডিং, গোলাঘাট, দেৰগাঁও, বোকাখাত, খুমটাই আৰু সৰুপথাৰ সমষ্টি।
শোণিতপুৰ : ৯টা বিধানসভা সমষ্টি- ঢেকীয়াজুলিজু , বৰচলা, তেজপুৰ, ৰঙাপৰা, চতিয়া, বিশ্বনাথ, বিহালী (এছ চি), গহপুৰ আৰু বিহপুৰীয়া সমষ্টি।
লখিমপুৰ : ৯ টা বিধানসভা সমষ্টি- ৰঙানদী, নাওবৈচা (এছ চি), লখিমপুৰ, ঢকুৱাখনা (এছ টি), ধেমাজি (এছ টি), চিচিবৰগাঁও, জোনাই (এছটি), শদিয়া আৰু ডুমডুমা সমষ্টি।
ডিব্ৰুগড় : ১০টা বিধানসভা সমষ্টি- মাৰ্ঘেৰিটা, ডিগবৈ, মাকুম, তিনিচুকীয়া, চাবুৱা, ডিব্ৰুগড়, মৰাণ, দুলীয়াজান, টিংখাং আৰু নাহৰকটীয়া সমষ্টি।
যোৰহাট : ১০টা বিধানসভা সমষ্টি- সোণাৰি, মাহমৰা, ডিমৌ, শিৱসাগৰ, নাজিৰা, মাজুলী (এছ টি), টীয়ক, যোৰহাট, মৰিয়নি আৰু তিতাবৰ।
