১ ছেপ্তেম্বৰৰ পৰা ৮ ছেপ্তেম্বৰলৈ চলি থকা সাক্ষৰতা সপ্তাহৰ(Literacy Day Week) লগত সংগতি ৰাখি ডিফুত (Diphu) জিলা শিক্ষা আৰু প্ৰশিক্ষণ প্ৰতিষ্ঠানত এলানি কাৰ্যসূচী গ্ৰহণ কৰা হৈছে ৷ আজিৰ কাৰ্যসূচী অনুসৰি ডিফু চৰকাৰী বালক উচ্চতৰ মাধ্যমিক বিদ্যালয়ৰ ছাত্ৰ-ছাত্ৰী, এনচিচি আৰু স্কাউট এণ্ড গাইড সকলক কাৰবি আংলং স্বায়ত্তশাসিত পৰিষদৰ প্ৰাপ্ত বয়স্ক শিক্ষা বিভাগৰ অংশীদাৰ হিচাপে জন জন স্বাক্ষৰক শ্ল’গান হিচাপে লৈ নৱ ভাৰত সাক্ষৰতা কাৰ্যক্ৰম তথা প্ৰাপ্ত বয়স্ক প্ৰভাত ফেৰি বাহিৰ কৰে ৷
ইয়াৰ পূৰ্বে জিলা প্ৰাপ্ত বয়স্ক শিক্ষা বিভাগৰ বিষয়া সকলে উপস্থিত ছাত্ৰ-ছাত্ৰী সকলক শপত বাক্য পাঠ কৰায় ৷ কাৰ্যসূচীত উপস্থিত থকা বিদ্যালয় সমূহৰ উপপৰিদৰ্শক বিৰেণছিং ইংতিয়ে কয়যে, ছাত্ৰ-ছাত্ৰী সকল নিজে জ্ঞান আহৰণ কৰিলে নহব নিজৰ নিজৰ নিজৰ পিতৃ-মাতৃকো শিক্ষিত কৰি তুলিব লাগিব৷ ঘৰে ঘৰে শিক্ষাৰ সজাগতা সৃষ্টি হলেহে প্ৰাপ্ত বয়স্ক শিক্ষা বিভাগ সফল হব বুলি কয় বিষয়া গৰাকীয়ে ৷
ছাত্ৰ-ছাত্ৰীৰ লগতে প্ৰাপ্ত বয়স্ক নিৰক্ষৰ লোক সকলক শিক্ষিত কৰাই এই কাৰ্যসূচীৰ মূল উদ্দেশ্য ৷ আনহাতে এই কাৰ্যসূচীৰ জৰিয়তে জিলাখনৰ সকলো জাতি-জনগোষ্ঠীৰ মাজত সাক্ষৰতা অভিযান চলোৱা হব জানিব পপা গৈছে ৷
