ASSAM TIMES POST
আছিফ আলি,শিৱসাগৰঃ আজি খ্ৰীষ্টান ধৰ্মাৱলম্বী লোকসকলৰ উৎসৱ পবিত্ৰ বৰদিন।
এই উপলক্ষে আজি শিৱসাগৰ নগৰৰ বৰপুখুৰী পাৰত অৱস্থিত উত্তৰ-পূব ভাৰতৰ দ্বিতীয় পুৰণি গীৰ্জা ঘৰত খ্ৰীষ্টান ধৰ্মাবলম্বী লোক সকলে পৰম্পৰাগত ৰীতি নীতিৰে ব্যাপক উৎসাহ উদ্দীপনাৰে বৰদিন উদযাপন কৰে। বৰদিন উপলক্ষে গীৰ্জা ঘৰ চৌহদ আটক ধুনীয়াকৈ সজাই পৰাই তোলাৰ লগতে পুৱা সমূহীয়া প্ৰাৰ্থনাত শিৱসাগৰ নগৰ আৰু ইয়াৰ দাঁতি কাষৰীয়া অঞ্চলৰ বৃহৎ সংখ্যক লোকে অংশগ্ৰহণ কৰে।
উল্লেখযোগ্য যে নাগৰিকত্ব সংশোধনী আইনৰ বিৰোধিতা কৰি শিৱসাগৰ বাপ্টিষ্ট গীৰ্জাই এইবাৰ বৰদিনৰ কেবাটাও কাৰ্যসূচী বাতিল কৰিছে।
অসমীয়া ভাষা সংস্কৃতি আৰু জাতিৰ অস্তিত্বৰ প্ৰতি ভাবুকি সৃষ্টি হোৱাৰ প্ৰতি লক্ষ্য ৰাখি গীৰ্জাঘৰ পৰিচালনা সমিতিয়ে পবিত্ৰ বৰদিনৰ উপলক্ষে পাৰম্পৰিক ৰূপে পালন কৰি অহা সাংস্কৃতিক অনুষ্ঠানৰ কাৰ্যসূচী বাতিল কৰিছে।
‘কা’ৰ বিৰোধিতা কৰি বাপ্টিষ্ট মণ্ডলীয়ে এইবাৰ সাংস্কৃতিক শোভাযাত্ৰাৰ লগতে বৰদিনৰ সন্ধিয়া বাতিল কৰিছে সাংস্কৃতিক অনুষ্ঠান।
এইবাৰ জাক জমকতাৰ বিপৰীতে কেৱল ধৰ্মীয় অনুষ্ঠানৰে বৰদিন উদযাপন কৰা হৈছে শিৱসাগৰত।
