ASSAM TIMES POST
বিশেষ প্ৰতিবেদন
এটা জন্মদিনৰ কেক কটা ভিডিঅ’ বৰ্তমান ভাইৰেল হৈ পৰিছে ছ’চিয়েল মিডিয়াত৷ ভিডিঅ’টো হৈছে অসমৰ৷ অৱশ্যে জন্মদিনৰ কেক কটাটো কোনো অস্বাভাৱিক কথা নহয়৷ কিন্তু এই ঘটনাটো এইবাবেই ব্যতিক্ৰম যে এগৰাকী লক্আপত বন্দী হৈ থকা লোকে নিজৰ জীয়ৰীৰ জন্মদিনৰ কেক কাটিছে৷ তাতোকৈ ডাঙৰ কথাটো হ’ল বন্দী হৈ থকা ব্যক্তিজন হৈছে সম্প্ৰতি অসমত চলি থকা ‘কা’বিৰোধী প্ৰতিবাদৰ এক প্ৰতিবাদকাৰী৷
লোকজন হৈছে উজনি অসমৰ ডিগবৈৰ অমৃত দত্ত৷ ‘ক’বিৰোধী প্ৰতিবাদৰ বাবে তেওঁক গ্ৰেপ্তাৰ কৰা হৈছিল আৰু তেওঁ বৰ্তমান লক্আপত আছে৷ কিন্তু আজি হ’ল তেওঁৰ জীয়াৰীৰ প্ৰথম জন্মদিৱস৷ সেয়েহে তেওঁৰ জীয়াৰীয়ে জন্মদিনৰ কে’কটো লৈ আহে লক্আপলৈ৷ আৰু লক্আপৰ দুৱাৰেৰে হাত উলিয়াই জীয়াৰীৰ জন্মদিনৰ কেক কটা ফটো এতিয়া ছ’চিয়ে লমিডিয়াৰ জৰিয়তে বহুলভাৱে ভাইৰেল হৈ পৰিছে আৰু সকলোকে আৱেগিক কৰি তুলিছে৷
