কেন্দ্ৰীয় বতৰ বিজ্ঞান বিভাগে (Central Meteorological Department) ইতিমধ্যে জনাইছিল যে এইবাৰ দেশত স্বাভাৱিকতকৈ বেছি বৰষুণ হ’ব (Country will receive more than normal rainfall)। তাৰ লগতে বিভাগটোৱে কয় যে এইবাৰ বৰ্ষা ঋতু মূল ভাৰতত সাধাৰণতকৈ অলপ আগতে প্ৰৱেশ কৰিব ( The monsoon season will enter earlier than usual)। বতৰ বিভাগৰ মতে, ৩১ মে’ত এইবাৰ কেৰালাত প্ৰৱেশ কৰিব পাৰে দক্ষিণ-পশ্চিম মোচুমী বায়ু। সাধাৰণতে ১ জুনত এই মৌচুমী বায়ু কেৰালাত প্ৰৱেশ কৰে। অৱশ্যে এই ধৰণৰ পূৰ্বাভাসত গাণিতিক আৰ্হি অনুসৰি দুই-এদিনৰ হেৰফেৰ হোৱাৰ সম্ভাৱনাৰ কথাও উল্লেখ কৰা হৈছে।
বতৰ বিজ্ঞানীসকলৰ মতে, মৌচুমী বায়ু কেৰালাত প্ৰৱেশ কৰাৰ পিছত ক্ৰমান্বয়ে উত্তৰ আৰু পূব ভাৰতৰ দিশে গতি কৰে। সেই অনুসৰি ১০ জুনৰ ভিতৰত অসমত মোচুমী বায়ু প্ৰৱেশৰ সম্ভাৱনা আছে। কিন্তু বাৰিষাৰ এই অগ্ৰগতি জুন মাহৰ বতৰৰ পৰিস্থিতিৰ ওপৰত বহুলাংশে নিৰ্ভৰশীল। গতিকে কেৰালাত মোচুমী বায়ু প্ৰৱেশ কৰিলেও অসমত যে প্ৰৱেশ কৰিব সেই কথা নিশ্চিতভাৱে কোৱা সম্ভৱ নহয়। মৌচুমী বায়ুৰ পিছত কেৰালাত কি পৰিস্থিতিৰ সৃষ্টি হয় তাৰ ওপৰত বহু কথা নিৰ্ভৰ কৰে।
উল্লেখ্য যে বতৰ বিভাগে প্ৰথম এপ্ৰিল মাহত বৰষুণৰ ভৱিষ্যদ্বাণী কৰিছিল। বিভাগটোৱে জনাইছিল যে সমগ্ৰ ঋতুটোৰ গড় বৰষুণ স্বাভাৱিক বাৰিষাৰ ১০৬ শতাংশ হ’ব। অৱশ্যে অঞ্চল অনুসৰি ক’ত কেনেকৈ বৰষুণ হ’ব সেয়া এতিয়াও বিতংভাৱে কোৱা হোৱা নাই।
