কাৰ্বি আংলং জিলা আৰক্ষীয়ে ড্ৰাগছ সৰবৰাহকাৰী চক্ৰৰ বিৰুদ্ধে ধাৰাবাহিক অভিযান অব্যাহত ৰখাৰ সময়তে আজি জিলাখনৰ বকলীয়াঘাটত আৰক্ষীয়ে (Police of Bakliaghat) অভিযান চলাই বুজন পৰিমাণৰ হেৰʼইনসহ এখন বিলাসী বাহন জব্দ (Luxury vehicles including heroin seized) কৰিবলৈ সক্ষম হয়। প্ৰাপ্ত তথ্য অনুসৰি, এক নিৰ্ভৰযোগ্য সূত্ৰে লাভ কৰা তথ্যৰ ভিত্তিত আজি জিলাখনৰ আৰক্ষীয়ে বকলীয়াঘাট থানাৰ অন্তৰ্গত ডিচʼবাইত ৰাষ্ট্ৰীয় ঘাইপথৰ ওপৰত তালাচী অভিযান চলায়।
উক্ত অভিযানৰ সময়তে মাঞ্জাৰ দিশৰ পৰা নগাঁৱৰ দিশে আহি থকা এএছ-০২-এএম-৫২২৮ নম্বৰৰ চুইফট ডিজায়াৰ বাহনখনত তালাচী চলাই ১৩ টা চাবোনৰ বাকচত লুকুৱাই অনা অৱস্থাত ১৫৬ গ্ৰাম হেৰʼইন জব্দ (156 grams of heroin seized) কৰিবলৈ সক্ষম হয়। এই সন্দৰ্ভত আৰক্ষীয়ে তিনিটা সৰবৰাহকাৰী আটক কৰে। ধৃত সৰবৰাহকাৰীকেইটা ক্ৰমে তাফিজুল হুছেইন, নুৰ আলম হুছেইন আৰু ইক্ৰামুল হুছেইন বুলি চিনাক্ত কৰা হৈছে। ধৃত সৰবৰাহকাৰী কেইটা নগাঁও জিলাৰ ধিং আৰু বৰদোৱাৰ বুলি জানিব পৰা গৈছে। ইয়াৰে ইক্ৰামুল হুছেইন ধিঙৰ কোনো এটা মছজিদৰ ইমাম বুলি আৰক্ষীৰ প্ৰাথমিক তদন্তত প্ৰকাশ। এই সন্দৰ্ভত আৰক্ষীয়ে এক গোচৰ পঞ্জীয়ন কৰি অধিক তদন্তৰ বাবে অনুসন্ধান অব্যাহত ৰাখিছে।
