ASSAM TIMES POST
ডিব্ৰুগড় :ৰাজ্যৰ শাসকীয় দলৰ মন্ত্ৰী বিধায়ক সকলক কলা পতাকাৰ ভূতে খেদি ফুৰাৰ সময়তে ডিব্ৰুগড়ত পুনৰ কলা পতাকাৰ সন্মুখীন হবলগীয়া এক অবাঞ্চিত পৰিস্থিতিৰ সন্মুখীন হব লগীয়া হয় কেন্দ্ৰীয় মন্ত্ৰী ৰামেশ্বৰ তেলী আৰু বিধায়ক প্ৰশান্ত ফুকন।ডিব্ৰুগড়ত আছুৱে কলা পতাকা দেখুৱাই কেবল ক্ষান্ত নাথাকি ব্যাপক ধৰ্ণাৰে উত্তাল কৰি তোলে সমগ্ৰ পৰিবেশ।
বিশাল আৰক্ষী বাহিনীৰ সন্মুখতে আছুৱে এই প্ৰতিবাদ ৰূপায়ন কৰে।আজি ডিব্ৰুগড়ত বিজেপিয়ে শান্তি সভা অনুষ্ঠিত কৰাৰ বাবে আৰ্বতভৱনত গোপন জিলা প্ৰশাসনৰ সকলো উচ্চ পদস্থ বিষয়াবৰ্গৰ সতে এক ৰুদ্ধদ্বাৰ বৈঠকত বহাৰ সময়তে আছুৱে ডিব্ৰুগড়ৰ আৰ্বত ভৱনৰ সন্মুখত কলা পতাকা লৈ তীব্ৰ প্ৰতিবাদ সাব্যস্ত কৰে।
কেন্দ্ৰীয় মন্ত্ৰী ৰামেশ্বৰ তেলী আৰু বিধায়ক প্ৰশান্ত ফুকনৰ লগতে বিজেপিৰ ডিব্ৰুগড় জিলাৰ প্ৰাক্তন সভাপতি সহ দলৰ বহুকেইজন শীৰ্ষ বিষয়-ববীয়াক লৈ শান্তি সভা সন্দৰ্ভত এক বৈঠকত মিলিত হৈছিল।জানিব পৰা মতে ডিব্ৰুগড়ৰ খনিকৰত বিজেপিয়ে অহা ১৯ জানুৱাৰীত এক শান্তি সভা অনুষ্ঠিত কৰাৰ বাবে ভিতৰুৱাকৈ প্ৰস্তুতি চলাইছে।
ডিব্ৰুগড়ৰ আবৰ্ত ভৱনত এই উপলক্ষে মিলিত হোৱাৰ সময়তে আছুৰ নেতৃবৰ্গই কলা পতাকা প্ৰদৰ্শন কৰি বৰ তাল বজাই বিভিন্ন শ্লগানেৰে পৰিবেশ উত্তাল কৰি তোলে।ডিব্ৰুগড় আৰক্ষীয়ে বাধা প্ৰদান কৰিবলৈ প্ৰচেষ্টা কৰোতে আছু আৰু আৰক্ষীৰ সতে হতাহতি হয়।
অৱশেষত আৰক্ষীয়ে আছুৰ জিলাৰ উপদেষ্টা লিখন বৰুৱা,উদ্দীপ জ্যোতি গগৈ,ডিব্ৰুগড়ৰ সভাপতি ৰূপজ্যোতি বৰঠাকুৰ,খগেন দত্ত,ৰাজা গগৈ,গুঞ্জন মেছ,পল্লব তাঁতী,পাপু চুতীয়া,মুনমুন বৰা,বিতুপন চাংমাই,তনুজ হালৈ,অভিলেষ শইকীয়া,কৃতী কমল দাস,মনোজ বৰগোঁহাই,বিকাশ মিচং,চিৰঞ্জিত গগৈ,চন্দন সোণোৱাল,বিকাশ গগৈ,প্ৰিয়ম প্ৰতিম সোণোৱাল,পাপু শইকীয়াকে আদি কৰি প্ৰায় অৰ্ধ শতাধিক প্ৰতিবাদকাৰীক আতক কৰি সদৰ থানালৈ লৈ আহে।
আছুৰ কৰ্মকৰ্তা সকলে নাগৰিকত্ব সংশোধনী আইন কোনো কাৰনতে মানি লোৱা নহব বুলি সকীয়াই দিয়া লগতে ডিব্ৰুগড়ত অশান্তি বিয়পোৱাৰ বাবে বিজেপিয়ে শান্তি সভা আয়োজিত কৰিব নোৱাৰিব বুলি পুনৰবাৰ সকীয়াই দিয়ে।
