কাৰবি আংলং (Karbi Anglong) জিলাৰ প্ৰশাসনৰ জিলা আয়ুক্ত হিছাপে ইতিহাসৰ পাত সম্বৃদ্ধ কৰি শুকুৰবাৰে উচ্চ স্তৰীয় প্ৰশাসনিক বিষয়া হিচাপে শোভাবৰ্ধন কৰে জনজাতীয় কাৰবি মহিলা নিৰলা ফাংচপীয়ে (Karbi woman Nirola Phangchopi)৷ শুকুৰবাৰে বিয়লি চাৰে চাৰিমান বজাত ডিফুস্তিত জিলা আয়ুক্ত কাৰ্যালয়ত এক আৱেগিক মূহূৰ্তত পূৰ্বৰ আয়ুক্ত মধুমিতা ভাগৱতীয়ে জিলা আয়ুক্তৰ দায়িত্বভাৰ নৱ নিযুক্ত নিৰলা ফাংচপীক চমজাই দিয়ে ৷
আজিৰ অনুষ্ঠানত কাৰবি আংলং স্বায়ত্তশাসিত পৰিষদৰ সচিব আৰু জিলা আয়ুক্ত কাৰ্যালয়ৰ কাৰ্যালয়ৰ বিষয়া কৰ্মচাৰী সকলে বিদায়ী আয়ুক্ত গৰাকীক বিদায় সম্ভাষণ জনোৱাৰ লগতে নৱনিযুক্ত আয়ুক্ত গৰাকীক গামোছা আৰু ফুলৰ থোপাৰে আদৰণি জনায় বুলি জানিব পৰা গৈছে ৷
