শুকুৰবাৰে সন্ধিয়া প্রায় ৬ বজাত খটখটী আৰক্ষী (Khatkhati Police) থানাৰ অধীনৰ গৌতম বস্তি (Gautam Basti)ত থকা নাকা তালাচী (Naka Search)ত আৰক্ষীয়ে হেৰ’ইনসহ এজন যুৱকক আটক (Youth arrested with heroin) কৰিবলৈ সক্ষম হয়। আৰক্ষী সূত্রে জানিব পৰা মতে হোজাইৰ বস্তিবাৰী নিবাসী আইজুল ইছলাম (Aijul Islam) (২২), নামৰ যুৱকজনে এএছ-০৯-এ-৫৪৩৬ নম্বৰৰ অট’খনত আহি আছিল।
আৰক্ষীয়ে চলোৱা তালাচীত তিনিটা চাবোনৰ বাকচ আৰু এটা চাধা টেমাৰ পৰা আৰক্ষীয়ে ৩২.৪২ গ্রাম হেৰ’ইন জব্দ (32.42 grams of heroin seized) কৰিবলৈ সক্ষম হয়। বোকাজান মহকুমাৰ চি আই চুমথং শ্যাম, খটখটী থানাৰ ভাৰপ্ৰাপ্ত বিষয়া নিতুল শইকীয়া এছ আই জিতুমণি শইকীয়া আৰু পংকজ শইকীয়াই এই উদ্ধাৰ কাৰ্যৰ তদাৰক কৰে।
