উৎসৱৰ বতৰত কেন্দ্ৰীয় চৰকাৰৰ (Central Govt) কৰ্মচাৰীৰ বাবে ভাল খবৰ। সপ্তম দৰমহা আয়োগৰ অধীনত পুনৰ বৃদ্ধি পাইছে ডি এ। কেন্দ্রীয় চৰকাৰৰ কর্মচাৰীসকলে দশেৰাৰ আগেয়ে পাব ভাল খবৰ৷ জানিব পৰা মতে, অতি সোনকালে কেন্দ্ৰীয় চৰকাৰৰ তৰফৰ পৰা ডি এ বৃদ্ধিৰ কথা ঘোষণা কৰিব।
সূত্ৰ অনুসৰি, সপ্তম দৰমহা আয়োগৰ অধীনত ডি এ ৩ শতাংশ বৃদ্ধি পাব। ২৫ ছেপ্টেম্বৰত কেন্দ্ৰীয় কেবিনেটৰ বৈঠকত ডি এ বৃদ্ধিৰ কথা ঘোষণা কৰা হ’ব। তেনে ক্ষেত্ৰত অক্টোবৰৰ পৰা কেন্দ্ৰীয় চৰকাৰৰ কৰ্মচাৰীয়ে নতুন ডি এ লাভ কৰিব।
বৰ্তমান কেন্দ্ৰীয় চৰকাৰৰ কৰ্মচাৰীয়ে ৫০ শতাংশ হাৰত ডি এ লাভ কৰি আছে। সপ্তম দৰমহা আয়োগৰ অধীনত যদি ডি এ ৩ শতাংশ বৃদ্ধি পায় তেন্তে তেওঁলোকে ৫৩ শতাংশ হাৰত ডি এ লাভ কৰিব।
সাধাৰণতে বছৰত দুবাৰকৈ দৰমহা, ডি এ বৃদ্ধি কৰা হয়। ইতিমধ্যে জানুৱাৰীৰ পৰা জুনলৈ ৪ শতাংশ বৃদ্ধি কৰা হৈছে ডি এ। এইবাৰ ৩ শতাংশ বৃদ্ধি কৰা হ’ব ডি এ। সাধাৰণতে অক্টোবৰ মাহত ঘোষণা কৰা হয় এই বৃদ্ধি। অৱশ্যে সূত্ৰ অনুসৰি, ডি এ বৃদ্ধিৰ কথা ছেপ্টেম্বৰৰ শেষৰ ফালে ঘোষণা হ’ব পাৰে।
