- পশ্চিম কাৰ্বি আংলং জিলাৰ বৈঠালাংছʼত কাৰ বিৰুদ্ধে প্ৰতিবাদী গণ সমাৱেশ
- সন্মিলিত সংগ্ৰাম পৰিষদ, এএছ ডিচি, কেএছ এই আৰু কেএনচিএৰ যৌথ উদ্যোগত অনুষ্ঠিত হোৱা এই প্ৰতিবাদী গণ সমাৱেশত সহস্ৰাধিক লোকৰ সমগম হয়
ASSAM TIMES POST
পশ্চিম কাৰ্বি আংলংঃ
ৰাজ্যৰ সৰ্বত্ৰে সম্প্ৰতি নাগৰিকত্ব সংশোধনী আইনৰ বিৰুদ্ধে তীব্ৰ প্ৰতিবাদ অব্যাহত আছে। পশ্চিম কাৰ্বি আংলং জিলাতো সন্মিলিত সংগ্ৰাম পৰিষদ, এএছডিচি, কেএচ এই আৰু কেএনচিএ-এ আজি কা বিৰোধী প্ৰতিবাদী গণ সমাৱেশ অনুষ্ঠিত কৰে। পশ্চিম কাৰ্বি আংলং জিলাৰ বিভিন্ন প্ৰান্তৰ পৰা হাজাৰ হাজাৰ লোকে এই প্ৰতিবাদী সমাৱেশত অংশ লৈ কা ৰ বিৰুদ্ধে তীব্ৰ প্ৰতিবাদ সাব্যস্ত কৰে।
এই প্ৰতিবাদী গণ সমাৱেশত সন্মিলনত সংগ্ৰাম পৰিষদৰ সমন্বয়কদ্বয় লাচিত বৰদলৈ, হলিৰাম তেৰাং,সাহিত্য আৰু সংস্কৃত কৰ্মী মোলান লস্কৰ,আদিবাসী ৰাষ্ট্ৰীয় দলৰ কাৰ্যকৰী সভাপতি বীৰেণ মিৰ্ধা উপস্থিত থাকে। সন্মিলিত সংগ্ৰাম পৰিষদৰ সমন্বয়ক লাচিত বৰদলৈয়ে কয় যে, কাৰ্বি আংলঙক বচাবলৈ হ’লে প্ৰথমতে অসমখনক বচাব লাগিব।
অসম বাচিলেহে কৰ্বিআংলং তথা পশ্চিম কৰ্বিআংলং বাচিব। কেন্দ্ৰীয় তথা ৰাজ্য চৰকাৰে কৰ্বিআংলং আৰু পশ্চিম কাৰ্বিআংলঙত “কা”ৰ কোনো প্ৰভাৱ নপৰে বুলি পাৰ্বত্য এলেকাৰ হোজা লোকসকলক আভোৱাহে ভোৱাইছে। সভাত “কা” বিৰোধী উদত্ত ভাষন প্ৰদান কৰি নতুন ৰাজনৈতিক দল খোলাৰ পোষকতা কৰে বৰদলৈয়ে। আনহাতে সাহিত্য আৰু সংস্কৃতি কৰ্মী মোলান লস্কৰে কয় যে, “কৃষক নেতা তথা এই “ক” বিৰোধী আন্দোলনৰ মূল গুৰি ধৰোঁতা অখিল গগৈক চৰকাৰে মিচা অভিযোগ জাপি দি গ্ৰেপ্তাৰ কৰিছে। গগৈক অতিশীঘ্ৰে বিনা চৰ্তত মুকলি কৰি দিবলৈ চৰকাৰক দাবী জনাইছে।
