ASSAM TIMES POST
নিউজ ডেস্ক:
এজন অষ্টম শ্ৰেণীৰ ছাত্ৰ৷ বয়স ১৪ বছৰ৷ ছাত্ৰজনক পঢ়াই এগৰাকী শিক্ষয়িত্ৰীয়ে৷ বয়স ২৬ বছৰ৷ কিছুদিন ধৰি ছাত্ৰ আৰু শিক্ষয়িত্ৰীৰ মাজত চলিছিল প্ৰেম৷ অৱশেষত শিক্ষয়িত্ৰীয়ে পলুৱাই নিলে ছাত্ৰজনক৷ এয়া হিন্দী চিনেমাৰ কাহিনী নহয়৷ বা কোনো গল্পৰ কাহিনী নহয়৷ এই ঘটনা ঘটিছে গুজৰাটৰ গান্ধীনগৰত৷
ইতিমধ্যে ছাত্ৰজনক ফুচুলাই লৈ গৈছে বুলি পিতৃয়ে আৰক্ষীক অভিযোগ দিছে৷ নিখোজ ছাত্ৰজনৰ পিতৃ গুজৰাট চৰকাৰৰ চাকৰিয়াল৷ শুকুৰবাৰে পিতৃ সন্ধিয়া ৭ বজাত চাকৰিৰ পৰা ঘুৰি আহি পুত্ৰক ঘৰত নাপালে৷ এই বিষয়ত তেওঁ কয়, তেওঁৰ পত্নীয়ে বিয়লি ৪ বজালৈকে পুত্ৰ ঘৰত থকাৰ কথা কয়৷ এলেকাত বিচাৰি নাপালে পুত্ৰক৷ তাৰ পাছত শিক্ষয়িত্ৰীগৰাকীৰ ঘৰলৈ যায়৷
তাতো কোনো নাছিল৷’ ইয়াৰ পাছতে পিতৃয়ে গুজৰাটৰ কালোল মহানগৰ আৰক্ষীক অভিযোগ দিয়ে৷ আৰক্ষীয়ে জনোৱা মতে নিখোঁজ ছাত্ৰজনৰ লগত প্ৰায় এবছৰ ধৰি শিক্ষয়িত্ৰীগৰাকীৰ সম্পৰ্ক আছিল৷ তেওঁলোকৰ ঘনিষ্ঠতাৰ কথা বিদ্যালয় কৰ্তৃপক্ষই জানিছিল৷ তাৰ বাবে সতৰ্ক কৰিও দিছিল৷ আৰক্ষীয়ে জনোৱা মতে সম্পৰ্ক মানক বা নামানক শুকুৰবাৰে ছাত্ৰজনক লৈ পলাই গৈছে শিক্ষয়িত্ৰীগৰাকী৷
পলাতকৰ হাতত নাই ম’বাইল ফোন৷ ফলত ছাত্ৰ আৰু শিক্ষয়িত্ৰী ক’ত আছে আৰক্ষীয়ে ঠাই নিৰ্ণয় কৰিব পৰা নাই৷
