কাৰবি আংলং জিলাৰ বৰলাংফেৰ (Karbi Anglong’s Barlangphe) অঞ্চলৰ পৰা যোৱা ১৯ ডিচেম্বৰৰ পৰা অপহৃত হৈ থকা ৰতন দত্ত (Abducted Ratan Dutta) নামৰ ব্যৱসায়ীজনৰ মৃতদেহ আজি কাৰবি আংলং আৰক্ষীয়ে ধনশিৰি সংৰক্ষিত বনাঞ্চলৰ গভীৰ অৰণ্যৰ পৰা উদ্ধাৰ (Body recovered) কৰে ৷
কাৰবি আংলং জিলা আৰক্ষীৰ অধীক্ষক সঞ্জীৱ কুমাৰ শইকীয়া (Sanjeev Kumar Saikia, S.P)ই এক সংবাদ মাধ্যম (Press Meet)ৰ আগত এই কথা সদৰি কৰি কয় যে, যোৱা ১৯ ডিচেম্বৰত ৰতন দত্তক অপহৰণ কৰি তেওঁৰ মোবাইলৰ হুৱাটএপৰ জৰিয়তে পৰিয়ালৰ লোকক অঞ্জাত আততায়ীয়ে ধন দাবী কৰিছিল৷ দত্তৰ পৰিয়ালৰ লোকে ২০ ডিচেম্বৰৰ নিশা ৯ বজাত এই সন্দৰ্ভত বৰলাংফেৰ আৰক্ষী থানাত এখন অজাহাৰ দাখিল কৰে৷
আৰক্ষীয়ে তৎপৰতাৰে অভিযান চলাই ঘটনাৰে সৈতে জড়িত থকাৰ সন্দেহত ডিএনএলএ উগ্ৰপন্থী (DNLA militants) সংগঠনৰ প্ৰাক্তন সদস্য ছানা সিঙক আটক কৰি সোধা- পোছা কৰাত ছানা সিঙ আৰু গোলাঘাটস্থিত আনলাৰ কেইজনমান সদস্য আৰু কাৰ্গিল নামৰ প্ৰাক্তন ডিএনএলএ উগ্ৰপন্থী সদস্যই ৰতন দত্তক অপহৰণ কৰি হত্যা কৰা বুলি স্বীকাৰ কৰে৷
ৰতন দত্তৰ ছানা সিঙৰ সৈতে ব্যক্তিগত শত্ৰুতাৰ বাবে এই হত্যাকাণ্ড সংঘটিত কৰা বুলি আৰক্ষী অধীক্ষকগৰাকীয়ে প্ৰকাশ কৰে৷ ধনশিৰি-দলদলী সংৰক্ষিত বনাঞ্চলৰ ঘন অৰণ্যত এই হত্যাকাণিড সংঘটিত কৰা বুলি উল্লেখ কৰি দত্ত নিৰুদ্দেশ হোৱাৰ তথ্য আৰক্ষীক পলমকৈ দিয়াৰ বাবেও ব্যৱসায়ী গৰাকী জীৱনিতে উদ্ধাৰ কৰাত আৰক্ষী সফল নহ’ল বুলি আৰক্ষী অধীক্ষকগৰাকীয়ে জানিবলৈ দিয়ে৷ ঘটনা সংক্ৰান্তত ছানা সিঙ, কাৰ্গিল সহিতে মুঠ ছজন লোকক গ্ৰেপ্তাৰ কৰি তদন্ত অব্যাহত ৰখা বুলি আৰক্ষী অধীক্ষকগৰাকীয়ে জানিবলৈ দি এই ঘটনাত জড়িত আৰু কেইজনমান গ্ৰেপ্তাৰ হব বুলিও দাবী কৰে৷
