বৃহস্পতিবাৰে পুৱা প্ৰায় ৮ মান বজাত বোকাজান মহকুমাৰ খটখটী কাৰাগাঁৱত প্ৰায় ১০ কোটি টকাৰ সন্দেহযুক্ত কানি সহ আৰক্ষীৰ জালত পৰে দুই সৰবৰাহকাৰী ৷ আৰক্ষীৰ সূত্ৰে প্ৰাপ্ত খবৰ অনুসৰি আৰক্ষীৰ নিয়মীয়া নাকা তালাচী সময়ত ডিমাপুৰৰ আহি থকা HR 45C 7314 নম্বৰৰ অশোক লেয়লেণ্ড ট্ৰাকক সন্দেহবশতঃ ৰখিবলৈ নিৰ্দেশ দিয়ে ৷
গাড়ীখনত পৰীক্ষী কৰোতে গাড়ীখনৰ স্পীড মিটাৰ আৰু ডেছবোৰ্ডৰ মাজত লুকুৱাই অনা অৱস্থাত ৯’৯২৫ কিলোগ্ৰাম সন্দেহযুক্ত কানি উদ্ধাৰ কৰিবলৈ সক্ষম হয় ৷ আৰক্ষীয়ে কানিখিনি সৰবৰাহৰ লগত জড়িত হাৰিয়ানা কৰনল জালামনাহৰ ৱাজিৰ সিঙ আৰু কৰ্ণল জিলাৰ শান্তি নগৰৰ টাৰচেম সিঙক আটক কৰি অধিক তথ্যৰ বাবে জেৰা অব্যাহত ৰাখিছে বুলি জানিব পৰা গৈছে ৷
উদ্ধাৰ হোৱা হেৰইনখিনি বোকাজান মহকুমা আৰক্ষী বিষয়া ৰুস্তমৰাজ ব্ৰক্ষ্ম আৰু নিৰপেক্ষ সাক্ষীগণৰ সাক্ষাতে জব্দ কৰা হয় বুলি জানিব পৰা গৈছে ৷ নাকা তালাচীটোৰ নেতৃত্ব দিছিল খটখটী থানাৰ অচি নিতুল শইকীয়াই আৰু তেওঁক সহযোগ কৰিছিল কাৰাগাওঁ আৰক্ষী চকীৰ ভাৰপ্ৰাপ্ত বিষয়া স্বমধন স্বৰ্গীয়াৰী আৰু থানা ষ্টাফে ৷
