দুদিনীয়া ব্যস্ত কাৰ্যসূচীলৈ বৃহস্পতিবাৰে সপত্নীক ৰেল যোগে ডিফুলৈ অহা অসমৰ ৰাজ্যপাল লক্ষ্মণ প্ৰসাদ আচাৰ্যই আজি তেওঁৰ ভ্ৰমণ সামৰি ৰাজভৱনলৈ উভতিল ৷ কালি প্ৰথম দিনৰ কাৰ্যসূচীত কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদসস্যকে আদি কৰি মুক্তি যুদ্ধা সমল ব্যক্তিৰ সৈতে মত বিনিময় কৰাৰ পাছত এক বিভাগীয় পৰ্যালোচনা বৈঠকতো অংশ গ্ৰহণ কৰে ৰাজ্যপাল গৰাকীয় ৷
আজি দ্বিতীয় দিনৰ কাৰ্যসূচী অনুসৰি ৰাজ্যপাল গৰাকীয়ে সপত্নীক পুৱাৰ ভাগত ডিফু মাঞ্জা পথৰ ৭ মাইল শিৱ মন্দিৰত পূজা অৰিচনা কৰি মাঞ্জাৰ দুগ্ধ পাম পৰিদৰ্শন কৰে ৷ ইয়াৰ পাছত পোনে পোনে লংনিটত থকা জল জীৱন মিচন আঁচনিত উপস্থিত স্থানীয় গঁঞা ৰাইজৰ সৈতে মত বিনিময় কৰি জলজীৱনৰ আঁচনিৰ লাভালাভ ৰাইজে ভোগ কৰিব পাৰিছে নে নাই তাকলৈ ৰাইজৰ মতামত জানিব বিচাৰে ৷
ক্ৰমে, ৰাজ্যপাল গৰাকীয়ে কাৰ্বি আংলং জিলাৰ ১৮ শ শতিকাত ব্ৰিটিছৰ আমোলত স্থাপন হোৱা মহংদিজুৱাৰ প্ৰথমখন উপস্বাস্থ কেন্দ্ৰ পৰিদৰ্শন কৰি স্বাস্থ্য কেন্দ্ৰটোত আজিত মজুত হৈ থকা ব্ৰিটিছ আমোলৰ সা-সামগ্ৰী, নিৰিক্ষণ বহী আদি প্ৰত্যক্ষ কৰি এইবোৰ সাচি থোৱাৰ বাবে কৰ্তৃপক্ষৰ শলাগ লয় ৷ আনহাতে যাত্ৰা পথত মাঞ্জাত প্ৰধানমন্তী আৱাস যোজনা ঘৰ পৰিদৰ্শন কৰি হিতাধিকাৰীৰ সৈতে মত বিনিময় কৰে ৰাজ্যপাল গৰাকীয়ে ৷
হিতাধিকাৰীয়ে পিএমএৱাই গৃহৰ নাম ভালদৰে কব নোৱাৰাত তেওঁ পিএমএৱাই ৰ বিপৰীতে প্ৰধান মন্ত্ৰী আৱাস যোজনা নাম সম্পূৰ্ণ ভাবে লিখিলেই সঠিক হব বুলি কয় ৷ শেহত বিৰলা স্থিত শিশু গৃহত উপস্থিত হৈ ৰাজ্যপাল গৰাকীয়ে শিশু গৃহত থকা শিশু সকলৰ সৈতে এক অন্তৰংগ মূহূৰ্ত অতিবাহিত কৰাৰ লগতে শিশু সকলৰ মাজত চকলেট ফলমূল আদি বিতৰণ কৰে ৷ ইয়াৰ পাছত ৰাজ্যপাল গৰাকীয়ে তাৰালামচৰ কাজিৰ ৰংহাঙপী অতিথিশালাত বিশ্ৰাম গ্ৰহণ কৰি পুণৰ ৰেল যোগলৈ ৰাজভৱনলৈ ৰাওনা হয় ৷
দ্বিতীয় দিনৰ কাৰ্যসূচীত ৰাজ্যপাল গৰাকীক সংগ দিয়ে বিধায়ক বিদ্যাচিং ইংলেঙ, ৰূপচিং টেৰণ জিলা আয়ুক্ত, জিলা আৰক্ষী অধীক্ষক, নিৰলা ফাংচপী, সঞ্জীৱ কুমাৰ শইকীয়া, পৰিষদৰ প্ৰধান সচিব মুকুল কুমাৰ শইকীয়া অধ্যক্ষ ৰাজু তিচ’ উপাধ্যক্ষ অভিজিত ক্ৰ’ ইএম মধুৰাম লেকথে আৰু তিলুত্তমা হাষ্ণুৱে ৷
