ষ্টাফ ৰিপ’ৰ্টাৰ,ডিফু:বৃহস্পতিবাৰে পুৱা ৯ বজাতে জ্যেষ্ঠ সাংবাদিক পবিত্ৰ বৰাৰ হাউছিং বৰ্ডৰ ঘৰৰ পৰা ২ টা ছিলিণ্ডাৰ,এটা ইনভাৰটাৰ, ইনভাটাৰৰ বেটৰী , বিভিন্ন অনুষ্ঠানে সম্বৰ্ধনা জনোৱা সঁফুৰা আৰু কাহৰ কাহি লৈ চোৰে লৈ উধাও হোৱাৰ ঘটনা আজি পোহৰলৈ আহে ৷ তেওঁৰ সন্মুখৰ ঘৰত থকা জীৱন টেৰণৰ ঘৰতো চোৰে ছাফাই অভিযান চলাই দ্ৰুণ কেমেৰা , SLR কেমেৰা, ২ টা ছিলিণ্ডাৰ ,বেটাৰীসহ ইনভাৰ্টাৰ আৰু কাহঁৰ কাঁহি-বাতি লৈ যায় ৷
আজি সাংবাদিক পবিত্ৰ বৰা গুৱাহাটীৰ পৰা আহি পোৱাৰ পিছতে ৰাইজে দুটা চোৰ ধৰি দিয়ে৷এটাৰ নাম ৰাজু আলি আৰু আনটো গৰে তাঁতি ৷ তেওঁলোকে চোৰৰ গেংটোত পঁচা , ক্লাৰটুং আৰু দাঁতভঙা আছে বুলি স্বীকাৰ কৰিছে ৷ দুটা মাহে ডিফুত সন্ত্ৰাস চলোৱা চোৰৰ দলটোক এতিয়া আৰক্ষীয়ে উৎখাত কৰিব পাৰেনে নাই সেয়াহে লক্ষণীয় হ’ব ৷
