ASSAM TIMES POST
অজন্তা তালুকদাৰ, বোকাখাতঃ অসম চাহ জনজাতি ছাত্ৰ সন্থা, কেন্দ্রীয় সমিতিৰ যােৱা ২৭, ২৮ আৰু ২৯ জানুৱাৰী তাৰিখে ডিব্ৰুগড় চাউলখোৱাত অনুষ্ঠিত হােৱা সন্থাৰ অষ্টাদশ দ্বি-বার্ষিক অধিৱেশনত নৱ গঠিত কেন্দ্রীয় সমিতিৰ শপত গ্রহণ আৰু ন-পুৰণি সতীর্থ সন্মিলনখনি যোৱা ৯ ফেব্ৰুৱাৰীত বােকাখাতৰ কেন্দ্রীয় বিহুতলীত অনুষ্ঠিত হয়।
সন্থাৰ সভাপতি ৰাজেন কুমাৰে পতাকা উত্তোলন কৰি নৱ গঠিত কেন্দ্রীয় সমিতিৰ সমূহ বিষয়ববীয়ালৈ শুভেচ্ছা জ্ঞাপন কৰি সন্থাটোক আগন্তুক দিনত এক নতুন চিন্তা-চেতনাৰে আগবঢ়াই লৈ যাবলৈ মন্তব্য প্রদান কৰে। তদুপৰি সন্থাৰ নৱ নির্বাচিত সভাপতি ধীৰাজ গােৱালাক সভাপতি হিচাপে নির্বাচিত কৰাৰ বাবে সদৌটিলৈ শলাগ জনাই আগন্তুক দিনত তেখেতৰ ওপৰত ন্যস্ত দায়িত্ব সতাৰে আৰু নিষ্ঠাৰে পালন কৰাৰ লগতে সন্থাটোক শক্তিশালী কৰি জনগােষ্ঠীটোৰ সমস্যা সমূহৰ সমাধানৰ পথ প্রশস্ত কৰাত নৱ নির্বাচিত সকলাে বিষয়ববীয়াৰ লগতে জ্যেষ্ঠ সকলৰ সহযােগিতা কামনা কৰে। সন্থাৰ সাধাৰণ সম্পাদক পৱন বেদিয়াই স্মৃতি তর্পন কৰি দেশ আৰু স্বজাতিৰ বাবে প্রাণ আহুতি দিয়া শ্বহীদসকলক স্মৰণ কৰি জনগােষ্ঠীটোক আগুৱাই নিয়তি সহযােগ আগবঢ়োৱা প্ৰতিগৰাকী সন্থাৰ বিষয়ববীয়া তথা বৰেণ্য ব্যক্তিসকললৈ শ্রদ্ধা নিবেদন কৰি অনাগত দিন বিলাকত চাহ জনগােষ্ঠীৰ শৈক্ষিক, আর্থ-সামাজিক, সাংস্কৃতিক, বৌদ্ধিক বিকাশ আৰু ক্রীড়াৰ সমল সমূহ উদ্ভাৱন কৰাৰ লগতে অসমৰ জাতীয় সমস্যাসমূহক লৈ ঐক্যবদ্ধ সংগ্রাম অব্যাহত থাকিব বুলি সদৰি কৰে।
বিয়লি ১ বজাত অধিৱেশনৰ নির্বাচনী পর্যবেক্ষক আত্মাৰাম কুমাৰ, মন্টু বাঢ়ৈ আৰু জিৎৰাম তাতীয়ে নৱ নির্বাচিত আটছাৰ কেন্দ্রীয় সমিতিৰ সভাপতি ধীৰাজ গােৱালা আৰু সাধাৰণ সম্পাদক পৱন বেদিয়াকে প্রমুখ্য কৰি সন্থাৰ বিষয়ববীয়া তথা সন্থাৰ কার্যনির্বাহক সদস্য সকলক শপত বাক্য পাঠ কৰায়। বিয়লি ২ বজাত সন্থাৰ নৱ নির্বাচিত সভাপতি ধীৰাজ গােৱালাৰ সভাপতিত্বত আটছাৰ ন-পুৰণি সতীর্থ সন্মিলন অনুষ্ঠিত হয়। সন্মিলনত অংশগ্রহণ কৰি অসম চাহ জনজাতি ছাত্ৰ সন্থাৰ প্রাক্তন সাধাৰণ সম্পাদক পৱন সিং ঘাটোৱাৰে আটছাক সততাৰে আৰু ৰাজনীতিৰ উদ্ধত থাকি জাতিটোৰ স্বাৰ্থত কাম কৰিবলৈ মতপােষণ কৰে। সন্থাৰ প্ৰাক্তন সাধাৰণ সম্পাদক কামাখ্য প্ৰসাদ তাছাই সন্মিলনত উপস্থিত থাকি বৌদ্ধিক চিন্তা-চেতনাৰে
জাতিটোৰ মাজৰে পৰা গৱেষক, লেখক সৃষ্টিৰে জনগোষ্ঠীটোক এক ঈপ্সিত লক্ষ্যত উপনীত কৰিবলৈ আটছাৰ নতুন সমিতিলৈ আহবান জনায়। সন্মিলনত আটছাৰ প্রাক্তন সভাপতি লোকেশ্বৰ কুৰ্মী, দুর্গা ভূমিজৰ লগতে ভােলাৰাম ৰাউতীয়া, ৰঞ্জন কালিন্দী, মুনীন গৌতম চাওঁৰা, ৰাজু ৰাজোৱাৰ, উৎপল চাওঁতাল, জিতু কিষাণ, অনিল কুর্মী, টুটুমণি পার্টনায়ক, মামনী গাজলু আদি প্রাক্তন আটছা কৰ্মীয়ে অংশগ্রহণ কৰে। সন্মিলনত চাহ জনগােষ্ঠীৰ জনপ্রিয় কণ্ঠশিল্পী কুমাৰ সুৰেশে গীত পৰিৱেশন কৰাৰ লগতে
মোনাবাৰী চাহ বাগিচাৰ উৰিয়া নৃত্য দল আৰু বােকাখাত চাহ বাগিচা ঝুমইৰ দলে নৃত্য প্রদর্শন কৰে।
