ASSAM TIMES POST
অজন্তা তালুকদাৰ, বোকাখাত, ২২ ফেব্ৰুৱাৰীঃ বােকাখাত সাংস্কৃতিক মঞ্চ আৰু বােকাখাত নগৰ মইনা পাৰিজাতৰ উদ্যোগত সংস্কৃতিৰ জৰিয়তে সমাজত শান্তিৰ বাতাবৰণ প্ৰতিষ্ঠা কৰাৰ লক্ষ্যৰে অসমৰ জাতীয় কৃষ্টি সংস্কৃতিক চহকী কৰা সুধাকণ্ঠ ড° ভূপেন হাজৰিকা আৰু অসমৰ প্রতিষ্ঠিত গায়ক জুবিন গাৰ্গৰ গীতৰ প্রতিযােগিতা অহা ইংৰাজী ১ মার্চত অনুষ্ঠিত কৰিবলৈ লোৱা হৈছে। সেই উদ্দেশ্যে পুৱা পতাকা উত্তোলন কৰিব বােকাখাত সাংস্কৃতিক মঞ্চৰ সভাপতি দুলাল ডেকাই, নুমলীগড় শােধনাগাৰৰ জনসম্পৰ্কৰক্ষী বিষয়া মিন্টু সন্দিকৈয়ে স্মৃতি তৰ্পন কৰিব, নাট্যকাৰ, সাংবাদিক অমৰ শৰ্মাই বন্তি প্ৰজ্বলন কৰিব, প্রতিযােগিতাৰ মঞ্চ উদ্বোধন কৰিব অসম ৰাজ্যিক সাংবাদিক সংস্থাৰ সভাপতি জিতু শর্মা ৰাজখােৱাই, প্ৰতিযোগিতাত ভূপেন হাজৰিকাৰ সকলো গীতেই প্ৰতিযোগীয়ে পৰিবেশন কৰিব পাৰিব যদিও জুবিন গাৰ্গৰ গীতৰ বাবে ১) শুভ্র বলাকাৰ। ২) জোনাকে কাণে কাণে আহি কলে ৩) মা ৪) মায়াবিনী ৰাতি ৫) শালিকী পুৱাৰ ৬) মােৰ মনৰে কল্পনাত ৭) তুমি যেন পপিয়া তৰা।৮) তােমাৰ এই মিঠা চাৱনী ৯) কাৰ পৰশ ১০) এন্ধাৰ হ’ব নােৱাৰাে গীত কেইটি আয়োজক সকলে নির্বাচিন কৰি দিছে।
ভূপেন্দ্র সংগীত প্রতিযােগিতাৰ পুৰষ্কাৰ ক্ৰমে ৪০০০, ৩০০০ আৰু ২০০০ টকা , আনহাতে জুবিনৰ গীতৰ প্রতিযােগিতাৰ পুৰষ্কাৰ ৬০০০, ৪০০০ আৰু ৩০০০ টকা ঘোষণা কৰা হৈছে। প্ৰতিযােগিতাৰ নিয়মাবলীত আয়োজকে জানিবলৈ দিছে যে পূৱা ১০.০০ বজাৰ পৰা প্রতিযােগিতা অনুষ্ঠিত হ’ব। ভূপেন্দ্র সংগীত বা জুবিন গাৰ্গৰ সুৰ আৰু ৰচনাৱলীৰ আধাৰত অনুষ্ঠিত কৰা হ’ব।
ভূপেন্দ্র সংগীত প্রতিযােগিতা কেৱল নিম্ন শাখাৰ বাবেহে অনুষ্ঠিত কৰা হ’ব। বয়সৰ সীমা ৫ (পাঁচ) বছৰৰ পৰা ১৩ (তে) বছৰ বয়সলৈ বিবেচনা কৰা হ’ব। বাদ্যযন্ত্রী শিল্পী লগত আনিব লাগিব। প্রয়ােজন সাপেক্ষে সমিতিয়ে যােগান ধৰিব। ভূপেন্দ্র সংগীতৰ ক্ষেত্ৰত কোনাে নির্বাচিত গীত নাথাকিব। জুবিন গাৰ্গৰ গীতৰ প্রতিযােগিতা সকলােৰে বাবে মুকলি। জুবিন গাৰ্গৰ গীতৰ বাবে বাদ্য যন্ত্রী শিল্পী সমিতিৰ ফালৰ পৰা যােগান ধৰা হ’ব। প্রতিযােগী সকলক অহা যােৱাৰ বাবে কোনাে মাননি দিয়া নহব। জুবিন গাৰ্গৰ গীতৰ বাবে যােগদানৰ মাচুল – ৫০০ টকা আৰু ভূপেন্দ্র সংগীতৰ বাবে যােগদানৰ মাচুল – ৩০০ টকা। জুবিনৰ নির্বাচিত গীতহে প্রতিযােগিতাত গাব পাৰিব। প্রতিযােগীসকলে দুদিনৰ আগতে যােগদান নিশ্চিত কৰিব লাগিব। বিচাৰকৰ সিদ্ধান্তই চূড়ান্ত সিদ্ধান্ত বুলি বিবেচনা কৰা হ’ব। উক্ত দিনাৰ নিশাই পুৰষ্কাৰ বিতৰণ অনুষ্ঠান সম্পন্ন হব বুলি বোকাখাত সাংস্কৃতিক মঞ্চৰ সভাপতি দুলাল ডেকা, সম্পাদক সৌৰভ হাজৰিকা, আৰু বোকাখাত নগৰ মইনা পাৰিজাতৰ সভাপতি দুলাল ডেকা আৰু সম্পাদক নমিতা বৰাই জানিবলৈ দিয়ে। প্ৰতিযোগী সকলে সবিশেষ জানিবলৈ ৭০০২৮৬১৬৫৬, ৭০০২০৭৪২২৮, ৮৪৭৪৮৭৬৮১৯, বা ৯৯৫৪৪৫২২০৩ নম্বৰ যোগে যোগাযোগ কৰিব পাৰিব।
