তেজপুৰ বিদ্যুত সংমণ্ডলৰ কাৰ্যবাহী অভিযন্তাৰ বাসভৱনৰ পৰা ১৮’৪৬ লাখ টকা উদ্ধাৰ

ASSAM TIMES POST

তেজপুৰ : আজি বিয়লি তেজপুৰ বিদ্যুত সংমণ্ডলৰ কাৰ্যবাহী অভিযন্তা নাৰায়ণ চন্দ্ৰ দে’ক নিজ কাৰ্যালয়তে এজন বিদ্যুতৰ কাম কৰা ঠিকাদাৰৰ পৰা ঘোচলৈ থকা হাতে -লোটে ধৰা পেলোৱাৰ পিছত পুণৰ ভিজিলেন্সে বিষয়া গৰাকীৰ গুৱাহাটী স্থিত ঘৰত তালাছী চলাই ১৮’৪৬ হাজাৰ উদ্ধাৰ কৰা ঘটনাত তীব্ৰ চাঞ্চল্যৰ সৃষ্টি হৈছে ৷

আৰক্ষীৰ সূত্ৰে জানিব পৰা অনুসৰি অভিযানকাৰী দলটোৱে উক্ত ধনখিনি অভিযন্তা নাৰায়ণ চন্দ্ৰ দে’ৰ গুৱাহাটী কালা পাহাৰৰ সুভম গাৰ্ডেন পান দোকান ষ্টপেজৰ ব্লক নং C/7-H বাসভৱনৰ আলমাৰিৰ পৰা তেওঁৰ পত্নীৰ সন্মূখতে উদ্ধাৰ কৰি জব্দ কৰি ঘৰটোত তলা ওলোমাই দিয়ে ৷