ধাৰাসাৰ বৰষুণৰ ফলত বিধ্বস্ত হৈ পৰিছে কেৰালা (Continuous rain in Kerala)। বৰষুণৰ দুৰ্যোগত পৰা ৰাজ্যখনত বিভিন্ন দুৰ্ঘটনাত ১৫ জন লোকৰ মৃত্যু (15 people died in the accident) হৈছে। এতিয়াও সন্ধানহীন হৈ আছে ৭ জন লোক (7 people missing)। সোমবাৰে মুখ্যমন্ত্ৰী ভি ডি সতীশনে এই তথ্য প্ৰদান কৰে। ভুক্তভোগীৰ সহায়ৰ বাবে ৰাজ্যজুৰি মুকলি কৰা হৈছে সাহায্য শিবিৰ। আনহাতে, অহা বৃহস্পতিবাৰলৈকে ৰাজ্যখনত প্ৰবল বৰষুণৰ পূৰ্বাভাস দিয়া হৈছে। ফলত পৰিস্থিতিৰ দ্ৰুত উন্নতিৰ সম্ভাৱনা নাই। সোমবাৰে কেৰালাৰ মুখ্যমন্ত্রী সতীশনে কয় যে বৰষুণৰ ফলত হোৱা দুৰ্ঘটনাৰ বাবে কোট্টায়াম জিলাত তিনিজন লোকে প্ৰাণ হেৰুৱাইছে। মৃতকৰ তালিকাত এটা শিশুও আছে। আনহাতে, পুঞ্জাত দুজন লোকৰ মৃত্যু হয়। ইফালে জলাশয়ত পৰি এচি শিশুৰ মৃত্যু হয়। একেদৰে এৰ্নাকুলামত দুজন আৰু মালাপ্পুৰমত ৭ জন লোকৰ মৃত্যু হয়। আন এঠাইৰ পৰা এজন লোকৰ মৃত্যুৰ খবৰ পোৱা গৈছে। ইয়াৰ উপৰি এতিয়াও ৭ জন লোক সন্ধানহীন হৈ আছে বুলিও কেৰালাৰ মুখ্যমন্ত্ৰীয়ে জানিবলৈ দিয়ে।
ইফালে বান পৰিস্থিতিৰ সৈতে মোকাবিলা কৰিবলৈ সাজু হৈছে কেৰালা প্ৰশাসন। মুখ্যমন্ত্ৰীয়ে কয় যে সোমবাৰে পুৱালৈকে সমগ্ৰ ৰাজ্যত ৩১৬টা সাহায্য শিবিৰ মুকলি কৰা হৈছে। তাত আশ্ৰয় লৈছে ১১,০১৮জন গৃহহীন লোকে।
ভাৰতীয় বতৰ বিজ্ঞান বিভাগে জনাইছে যে কেৰালাত ৬ আগষ্টলৈকে প্ৰচণ্ড বৰষুণ অব্যাহত থাকিব। ইয়াৰ লগতে ঘণ্টাত ৪০ৰ পৰা ৫০ কিলোমিটাৰ বেগত ধুমুহা বতাহ বলিব পাৰে। সাগৰত ধুমুহাৰ গতিবেগ প্ৰতি ঘণ্টাত ৬০ কিলোমিটাৰ হ’ব পাৰে। প্ৰায় ২.৭ৰ পৰা ৩.৫ মিটাৰ উচ্চতাৰ বৃহৎ ঢৌৱে কেৰালাৰ উপকূলত খুন্দা মাৰিব পাৰে। ইয়াৰ বাবে কেৰালা-কৰ্ণাটক-লাক্ষাদ্বীপ উপকূলৰ কাষেৰে মাছমৰীয়াসকলক সাগৰলৈ নাযাবলৈ পৰামৰ্শ দিয়া হৈছে।
