আলফা জিঅ’ই জলবায়ু পৰিৱৰ্তনৰ বিপদৰ সৈতে মোকাবিলা কৰিব পৰাকৈ বিশ্বৰ ডাঙৰ চহৰসমূহৰ ক্ষমতাৰ মূল্যায়ন প্ৰকাশ কৰিছে। এই কৃত্ৰিম বুদ্ধিমত্তা ভিত্তিক মূল্যায়নত জলবায়ু পৰিৱৰ্তনৰ ফলত হোৱা দুৰ্যোগৰ সৈতে মোকাবিলা কৰাৰ ক্ষেত্ৰত ভাৰতৰ চাৰিখন চহৰক ‘বিপজ্জনক’ হিচাপে তালিকাভুক্ত কৰা হৈছে।
জলবায়ু পৰিৱৰ্তনৰ সৈতে মোকাবিলা কৰাৰ ক্ষমতাৰ ক্ষেত্ৰত ছখন চহৰ আটাইতকৈ নিম্ন স্থানত আছে। তাৰ ভিতৰত ভাৰতৰ দুখন চহৰ— আহমেদাবাদ আৰু কলকাতা প্ৰথম আৰু ষষ্ঠ স্থানত আছে। পাকিস্তানৰ হায়দৰাবাদ, মুলতান আৰু লাহোৰ আৰু বাংলাদেশৰ ৰাজধানী ঢাকাও ‘ছুপাৰ ছিক্স’ত আছে। তাৎপৰ্যপূৰ্ণভাৱে ৭২ খন চহৰৰ তালিকাত আটাইতকৈ বেয়া স্থানত থকা ছয়খন চহৰ আটাইকেইখনেই দক্ষিণ এছিয়াৰ। আলফা জিঅ’ সূচকাংকত ‘বিপজ্জনক’ হিচাপে ২০ খন চহৰৰ ভিতৰত ভাৰতৰ বেংগালুৰু (১২) আৰু হায়দৰাবাদ অন্যতম।
ইয়াৰ উপৰি পাকিস্তানৰ ফৈছালাবাদ আৰু কৰাচী আৰু বাংলাদেশৰ চট্টগং এই তালিকাত আছে। আনহাতে, জলবায়ু পৰিৱৰ্তনৰ প্ৰভাৱৰ সৈতে মোকাবিলা কৰাৰ ক্ষেত্ৰত আমেৰিকাৰ চিকাগোক ‘সৰ্বাধিক স্থিতিস্থাপক চহৰ’ হিচাপে স্থান দিয়া হৈছে। ইয়াৰ পিছতে ইথিওপিয়াৰ আদিছ আবাবা, অষ্ট্ৰেলিয়াৰ মেলব’ৰ্ণ, স্পেইনৰ বাৰ্চিলোনা, তুৰস্কৰ আংকাৰা, আৰ্জেণ্টিনাৰ বুয়েনছ আয়াৰ্ছ, ফ্ৰান্সৰ পেৰিছ, তুৰস্কৰ ইস্তানবুল, কলম্বিয়াৰ বগোটা আৰু কেনিয়াৰ নাইৰোবি আছে।
