কাজিৰঙাত শুকুৰবাৰে সংঘটিত হৈছে এক ভয়ংকৰ পথ দুৰ্ঘটনা (Kaziranga Accident)। এই দুৰ্ঘটনাটো সংঘটিত হৈছে ৰঙাজানত। যাত্ৰীবাহী ট্ৰেভেলাৰ আৰু ট্ৰাকৰ মুখামুখি সংঘৰ্ষত ১০ জনৰো অধিক লোকৰ মৃত্যু হৈছে। জানিব পৰা মতে, দুৰ্ঘটনাত পতিত হোৱা ট্ৰেভেলাৰখনত প্ৰায় ৩৫ জন যাত্ৰী আছিল। ট্ৰেভেলাৰখন নগাঁও অভিমুখে আহি আছিল। আহতসকলক উদ্ধাৰ কৰি ততাতৈয়াকৈ কঁহৰা আদৰ্শ চিকিৎসালয়ত ভৰ্তি কৰোৱা হয় ।
ইতিমধ্যে দুৰ্ঘটনাস্থলীত উপস্থিত হৈছে আৰক্ষী তথা প্ৰশাসনৰ লোক। মন্ত্ৰী অতুল বৰাও উপস্থিত হৈ উদ্ধাৰ অভিযানৰ তদাৰক কৰিছে। ইফালে ৭ জনতকৈ অধিক লোক ট্ৰেভেলাৰখনত আবদ্ধ হৈ থকা বুলি জানিব পৰা গৈছে। যাত্ৰীবাহী ট্ৰেভেলাৰখনৰ নম্বৰ হৈছে এএছ-০২-এচি-৬৬৯০। আনহাতে, ট্ৰাকখনৰ পঞ্জীয়ন নম্বৰ হৈছে কেএ-০১-এ টি-০৯৭৭।
