ASSAM TIMES POST
নিউজ ডেস্ক
দেশত ক’ৰোনা ভাইৰাছত আক্ৰান্তৰ সংখ্যা বৃদ্ধি পাই আছে৷ দেশত ক’ৰোনা ভাইৰাছত আক্ৰান্তৰ সংখ্যা বৃদ্ধি হোৱাত সহায় কৰিলে নতুন দিল্লীৰ নিজামউদ্দিন মাৰ্কাজৰ তগলিবি জামাতা বুলি সৰ্বত্ৰে চৰ্চা হৈছে৷ এই ভয়াৱহ পৰিস্থিতি কি দৰে মোকাবিলা কৰা হ’ব তাকে লৈ নিদ্ৰা হৰণ হৈছে ৰাজ্য আৰু কেন্দ্ৰীয় চৰকাৰৰ৷
কেন্দ্ৰীয় গৃহ মন্ত্ৰালয়ৰ পৰা জনোৱা মতে দেশৰ কমেও ১৭খন ৰাজ্য আৰু কেন্দ্ৰীয় শাসিত ৰাজ্যৰ লোকে নিজামউদ্দিনত অংশগ্ৰহণ কৰে৷ তাৰ মাজতে দেশ-বিদেশৰ দুহেজাৰ লোকে সমাবেশত অংশগ্ৰহণ কৰে৷ এই লোকসকলৰ সংৰ্স্পশত আহে প্ৰায় ৯০০০ লোক৷ এইসকলক চিনাক্ত কৰি তেওঁলোকক কুৱাৰেণ্টানলৈ পঠোৱা হৈছে বুলি কেন্দ্ৰীয় গৃহ মন্ত্ৰালয়ে জনাইছে৷
বৃহস্পতিবাৰে সাংবাদিকৰ আগত কেন্দ্ৰীয় গৃহ মন্ত্ৰালয়ৰ যুটীয়া সচিব পুনিয়া সলিল শ্ৰীবাস্তৱে জনায় যে নিজামউদ্দিনত যোগ দিয়া আৰু লোকসকলৰ সংস্পৰ্শলৈ অহা ৯০০০ জনক চিনাক্ত কৰা হৈছে৷ এই ৯০০০ জনৰ ভিতৰত ১৩০৬ জন বিদেশী আছে৷
কেন্দ্ৰীয় গৃহ মন্ত্ৰালয়ে লগতে জনায় যে নিজামউদ্দিন তবলিঘি জামাতৰ যোগসূত্ৰত ক’ভিড-১৯ত আক্ৰান্ত ৩৫০ৰো অধিক লোক আছে৷ দিল্লী আৰু আন ৰাজ্যৰ চিকিৎসালয়ত বহু লোক ভৰ্তি কৰা হৈছে৷ বেচৰকাৰী সূত্ৰ মতে জামাতৰ যোগসূত্ৰত বিভিন্ন ৰাজ্যত এই পৰ্যন্ত ৯ জনৰ মৃত্যু হৈছে৷
