ASSAM TIMES POST
বোকাখাত : বিশ্বত সন্ত্রাসৰ সৃষ্টিকাৰী কৰােণা ভাইৰাছৰ পৰা পৰিত্ৰাণ পাবলৈ কেন্দ্রীয় চৰকাৰৰ ঘােষণা কৰা দ্বিতীয় পর্যায়ৰ লক-ডাউন সমগ্র দেশ খনৰ লগতে অসমতাে অব্যাহত আছে। ইতিমধ্যে কেন্দ্রীয় চৰকাৰৰ লক-ডাউনৰ দৰে সাহসী তথা সময়ােপযােগী সিদ্ধান্ত লােৱাৰ বাবেই দেশৰ লগতে অসমত কৰােণা ভাইৰাছে বিশেষ ত্রাস সৃষ্টি কৰিব পৰা নাই।
সেইবাবে অনেক সমস্যাৰ মাজতাে দ্বিতীয় পর্যায়ৰ লক-ডাউন অতি নিয়মানুবর্তিতাৰে অসমৰ জনতাই পালন কৰি আছে। কিন্তু এই লকডাউন মানি ঘৰতে নিজকে আবদ্ধ কৰি ৰখাৰ ফলত। বিশেষকৈ শ্রমজীবী তথা দৰিদ্ৰ সীমা ৰেখাৰ তলত বসবাস কৰা লােক সকলক বিভিন্ন সমস্যাই পিষ্ট কৰি তুলিছে।
তথাপিটো নিজৰ লগতে পৰিয়ালটো কৰ’ণা ভাইৰাছ হতােৰাত নপৰক বুলি এই লক-ডাউনৰ গুৰুত্ব বুজি ঘৰতে আবদ্ধ হৈ আছে। অরশ্যে এই সকল লােকক ৰাজ্য চৰকাৰৰ লগতে স্থানীয় সুহৃদ জনতাই সহায়ৰ হাত আগবঢ়াবলৈ আগবাঢ়ি আহিছে।
তেনে এজন আর্তজনৰ সুহৃদ লােক হ’ল বোকাখাত মহকুমাৰ মহুৰা মৌজা অন্তৰ্গত বৃহত্তৰ কমাৰগাঁও অঞ্চলৰ বুধবাৰী গাঁও নিবাসী সমাজকর্মী তথা গাঁও পঞ্চায়তৰ সচীব গােলাপ বৰা। কমাৰগাঁও অঞ্চলৰ এগৰাকী সমাজকর্মী গােলাপ বৰাই অর্ধশতাধিক দৰিদ্র পৰিয়ালক বিভিন্ন ধৰণৰ খাদ্য সামগ্রী প্রদান কৰে।
আনফালে পশ্চিম ধােদাং প্রাথমিক বিদ্যালয়ৰ প্রধান শিক্ষক মহেশ্বৰ ৰবিদাসে ধােদাং গাঁৱৰ কেইবাটাও পৰিয়ালক খাদ্য সামগ্রী প্রদান কৰে। ইফালে শিক্ষাগুৰুজনৰ একমাত্র পুত্র তথা মেধাবী ছাত্র নয়নদ্বীপ ৰবিদাসৰ জন্মদিনটো ওলহ-মালহেৰে উদযাপন নকৰি জন্মদিনত খৰচ হ’ব লগা ধনেৰে দৰিদ্র লােক সকলক বিভিন্ন ধৰণৰ খাদ্য সামগ্রী প্রদান কৰি এক ব্যতিক্রমী কাৰ্য সম্পাদন কৰে। আর্ত পৰিয়াল সমূহে গােলাপ বৰা আৰু মহেশ্বৰ ৰবিদাসৰ এনে বদান্যতাত শলাগ জ্ঞাপন কৰিছে।
