ASSAM TIMES POST
উৎপল দাস, গোলাঘাটঃ বিশ্বব্যাপী ক’ৰ’ণা ভাইৰাছ প্ৰতিৰোধৰ বাবে দেশজুৰি চলি থকা দ্বিতীয় পৰ্যায়ৰ লকডাউনৰ ফলত বহিঃৰাজ্যত কৰ্মৰত বহুলোক এতিয়াও নিজ কৰ্মক্ষেত্ৰতে আবদ্ধ হয় আছে।
শেহতীয়াকৈ এই কথা পোহৰলৈ অহা অনুসৰি মহাৰাষ্ট্ৰৰ পুনে চহৰত কৰ্মৰত হৈ থকা প্ৰায় ছয় সাত জনীয়া এটা অসমীয়া যুৱকৰ দল আবদ্ধ হৈ আছে৷ উল্লেখ্য যে অসমৰ গোলাঘাট জিলাৰ বোকাখাতৰ কুৰুৱাবাহী অঞ্চলৰ বিতোপন শইকীয়া, দেৱজিৎ শইকীয়া, বিজয় বৰুৱা আৰু দিলীপ ভূঞা নামৰ যুৱকৰ দলটোৱে পুনে চহৰৰ এছ কে এছ ফাষ্টেনাৰ্ছ নামৰ এখন প্ৰতিষ্ঠানত কৰ্মৰত হৈ আছিল।
কিন্তু দেশজুৰি লকডাউন চলি থকা অৱস্থাত এতিয়া এই অসমীয়া যুৱক সকলোৰ অৱস্থা অধিক শোচনীয় হৈ পৰিছে। এই যুৱক কেইজন বতৰ্মান খাদ্য সামগ্ৰীকে ধৰি অন্যান্য অত্যাৱশ্যকীয় সামগ্ৰীৰ অভাৱত পৰি ছচিয়েল মিডিয়াযোগে নিজ পৰিস্থিতি সন্দৰ্ভত অৱগত কৰি অসম চৰকাৰক সহায় বিচৰাৰ লগতে নিজ মাতৃভূমিলৈ উভতাই অনাৰ বাবে বিনম্র অনুৰোধ জনাইছে।
