ASSAM TIMES POST
পশ্চিম কাৰ্বিআংলং:চৌদিশে কৰোণা আতংকই জন জীৱন স্তব্দ কৰি ৰখাৰ সময়তে পাৰ্বত্য জিলা পশ্চিম কাৰ্বি আংলঙত আৰম্ভ হৈছে অন্য এক আতংক ।
হাহাকাৰ লাগিছে অঞ্চলবাসীৰ মাজত ।কোনো অচিন ৰোগত আক্ৰান্ত হৈ মৃত্যু মূখত পৰিছে সহস্ৰাধিক গাহৰি ৷ জিলাখনৰ বৈঠালাংছ’ থানাৰ অন্তৰ্গত বৰগাঁও,অহম্বৰী,চ’পিকেল’ক,বিচিথুৰ আদি প্ৰায় ৩০ খনকৈ গাঁৱত বিয়পিছে এই অচিন ৰোগ ৷
সম্প্ৰতি গাঁৱ সমূহত আতংকময় পৰিস্থিতি ৷ গাহৰি সমূহ কি ৰোগত আক্ৰান্ত হৈ এইদৰে মৃত্যু মূখত পৰিছে কব পৰা নাই কোনেও ৷ মুৰে কপাঁলে হাত দিছে গাহৰিৰ পালক সকল ৷
গাৱঁলীয়া হোজা লোকসকলে বিভিন্ন বেংকৰ পৰা , গোটৰ পৰা ঋন লৈ গাহৰি পালন কৰিছিল ৷ সম্প্ৰতি প্ৰতিদিনে গাহৰিৰ মৃত্যু হৈ থকাৰ ফলত চিন্তিত হৈ পৰিছে গাহৰিৰ পালক সকল ৷
