ASSAM TIMES POST
দেশৰ ৮ খন ৰাজ্যত ১৯খন ৰাজ্যসভা আসনৰ বাবে নিৰ্বাচন অনুষ্ঠিত হয়৷ শুকুৰবাৰে অনুষ্ঠিত এই নিৰ্বাচনত উল্লেখনীয় দিশ হ’ল ৰাজস্থানত গেৰুৱা শিবিৰক বেকফুটত ৰাখিলে কংগ্ৰেছে ৷
আনহাতে অন্ধ্রপ্রদেশৰ চাৰিখন আসন পালে ৱাইএছআৰ কংগ্ৰেছে৷ একেদিনাই বিয়লি ৫ বজাত ভোট গণনা আৰম্ভ হয়৷ উল্লেখ্য যে ১৯ খন আসনৰ ভিতৰত অন্ধ্রপ্রদেশ আৰু গুজৰাটত আছিল ৪, মধ্যপ্রদেশ আৰু ৰাজস্থানত ৩, ঝাৰখণ্ডত ২, মণিপুৰ, মেঘালয় আৰু মিজোৰামত এখনকৈ আসন আছিল৷ নিৰ্বাচনৰ ফলাফল অনুসৰি মধ্যপ্রদেশৰ ৰাজ্যসভা আসনৰ দুখনত বিজেপি আৰু এখনত কংগ্ৰেছ দলে জয়লাভ কৰে৷ ৰাজস্থানত দুখনত জয়ী হয় কংগ্ৰেছ৷ বিজেপিয়ে ৰাজস্থানত এখন আসন লাভ কৰে৷ গুজৰাটত দুজন বিধায়কৰ ভোট বাতিলৰ দাবীত কংগ্ৰেছ নিৰ্বাচন আয়োগৰ দ্বাৰস্থ হয়৷ মণিপুৰত একমাত্ৰ আসনত বিজেপি জয়ী হয়৷ মেঘালয়ত এনপিপি প্ৰাৰ্থী জয়ী হয়৷ আনহাতে মিজোৰামত বিজেপিৰ মিত্ৰ এমএনএফ জয়ী হয়৷
